الى الأحلى يا أحلى منتدى
الى الاعزاء جميعا
انا الحقيقة ماني عرفان من وين و لا كيف بدي بلش خصوصا انو في مشكلتين الاولى انو صلي زمان ما كتبت بالعربي والتانية انو عم بستعمل لوحة المفاتيح العربية تعيت الموقع و عم ضل ساعة لاكتب الكلمة.
أنا حابب ابدا و قول اني مبسوط كتير بموقع الأخوية يللي صلي فترة عم تابعوا وتابع كل مواضيعو الجدية منها وحتى النكت يللي بضحكني كتير و لو انو بعضها قديم بس بضلا حلوي،كما انو بعض المواضيع بتخليني أعرف أخبار البلد.
والحقيقة انا معجب ببعض آراء الشباب والهمة العالية يللي عم يبذلوا وخصوصا فيما يتعلق بالامور الدينية ويللي البعض منهن عم يبرهن على مستوى عالي من المعرفة ولو اني الحقيقة ما كتير بقتنع بشي اسمو حوار الأديان وبخاف مرات انو الواحد يكون عم يضيع وقتو مع انو في شغلات اهم بكتير و عملية أكترللحوار سواء فكرية او انسانية يللي بتصوري ممكن تكون أكتر فائدة للواحد حتى يفهم حالو و يطورها وكمان حتى يطور البلد لانو الوقت عم بيمشي بسرعة وخايف انو البلد ما يلحق خصوصا انو البلد سمنان كتير وما خرج يركض بسرعة كتيييييير.
أنا بتمنى كل الخير لهل المنتدى ولكل اعضاؤو بكل اختلافاتن وطوائفن وخلفياتن ما دام الهدف هوي خير الانسان وهوي برأي الاهم.
تحياتي للجميع...
|