[HashtNasht]

مرحبا يا أوادم

و أما بعد

يعني غبت أسبوع زمان ونيف , أجيت لأجي لقيت القصص ما راكبة

رح أعطيكن كم مثال :

1) أول شي كيف بتفوتو حلاق ع المنتدى ؟ بعدين وإذا حلاق يعني ؟ ما لقا اسم يفوت في ع المنتدى غير حلاق !!
إي شو هون منتدى الحرفيين ؟ لاء و ما بس حلاق و كمان بيفهم بالكمبيوتر و الهكر ! شي اوبتيكال نظامي يعني . حلاق اسمحلي قلك حلااااااااااااااااااااااا ااااااااق

2) باعتبار جبنا سيرة الهكر .... طبعاً عرفتو مين . أنو ست نانا شو مشانك ؟ يعني ما ناقص غير تجيبي الشباب تعمليلن كفين كفين ع الماشي شي تورجان و شي فايروس و 32 بت و 27 باد سيكتور و شي انتيفيروس كيلر .. يعني أنا ما رح قلك أني أنصدمت متل ما قالولك الشباب ...أنا حسيت بهول الفاجعة الله وكيلك . خصوصاً هيك و انتي عم تهزئي السيد هكر و تمسحي في أرض المنتدى :P , ما بعرف شو بدي قلك .. بس الله يعينو ...اللي بدو ياخدك :P

3) باعتبار اجت سيرة السيد هكر , في كلمتين لازم ينقالو , أول شي أنا بستغرب منك أنو كيف الك عين يعني ايميلك صار مسروق قدام عيني شي ست سبع مرات , و لسا بتسمي حالك هكر !! حبيب قلبي , معلمي , تاج راسي للمرة الألف برجع بقلك أنو الهكر هو اللي بيسرق الايميلات عادةً و ليس العكس . تاني شي : ولا شو قصتك ؟ أنو نازل نسخ و لصق نسخ و لصق !! اشتهيتك شي مرة بس تكون عم تقرا الموضوع اللي عم تنسخو , عالقليلة قرا سطرين منو بس مشان تفهم الفكرة العامة يعني . تالت شي : بحب أشكرك كونك ساهمت بشكل فعال بمسح أرض المنتدى ( لأنو من زمان كان بدو مسحة يا أخي :P ) . و بهالمناسبة بقلك بصفتي عضو سابق أهلا وسهلا ...نورت و الله

4) فخامة السيد المحترم كينغ رورو : يعني انت بتعرف أنك على راسي من فوق و انت كبيرنا و تاج راسنا بس يا أخي ما حبيتا منك منوب هالحركات ...أبداً أبداً . أنو و الله تستغل فترة غيابي و تنزل موضوعين بالصميم أخي مشان الله , ببوس أيدك تركلي القهوة و الدخان و نانسي ع جنب الله يسترك . حبيب قلبي
و شغلة تانية , عم يطلع الاي بي تبعي بتوقيعك يعني ما بعرف أنا شو عملت يمكن كبست شي شغلة بالغلط و ما عرفت زبط الموضوع , حباب ما تزعل مني اني هيك نزعتلك التوقيع بس ما بايدي
و بهامناسبة بحب قلك ( 4 )

5) وين الباشا ؟

6) وينو أبو زياد ؟

7) أنو يعني ع حظي و قت غبت عن المنتدى ما عاد حدا يعجبو يكتب شي بحوار أبو الأديان ؟ كل العالم صارت مهتمة بالخواطر و الهكر ؟ يعني مافيني قول غير الله يخليلنا كاكابودا فوق راسنا

8 ) ديموووووووووووووزي وين الخس ؟؟ يا أخي الخس مفيد للذاكرة

9) قطرميز زيتون : ما بدي قلك شي :P

10) هون الحكي موجه للحكيم : مرحبا معلم

أول شي بدي وجهلك عبر المنتدى برقية شكر و امتنان لموقفك التاريخي المعروف , و اسمحلي من خلال هالبرقية عبرلك عن عتبي الشديد , يا أخي و الله ما بصير هيك , يعني شو هاد ؟؟ وين السلطة ؟ وين الهيبة ؟ وين الحزم ؟
شي اقتراحات لألغاء الوجوه التعبيرية و شي اقتراح منتدى جديد و شي التوقيع ع اليسار بدل اليمين ( يا زلمي بالمنتديات اليسارية بخافو يحطو التوقيع ع اليسار ! ) وشي مدري شو !!! بكرا بيجي واحد بقلك بدي غير لون المنتدى , أو بدي غير اسم المنتدى , أو مثلاً يقلك غير اسمك بفرد مرة
أنا أدعوك أن تضرب بيد من حديد جميع محاولات التغيير و أن تجتث الأفكار الهادفة إلى ضعضعة مركزية القرار في منتدانا . و عشتم و عاش لبنان :P ( شو دخل لبنان ؟ جاوبوني بموضوع للاذكياء فقط )

11) أوجه تحية نوع أول لكل من السادة والسيدات : جو , فيليب , سعيد . جيني ( خلصو الوردات :P ) , و آخرون نظراً لمواقفهم المشهودة .

12) بناءً على ما تقدم :

قررنا نحن جميعاً ( يعني حشت و نشت ) تمديد فترة تعليق المشاركات حتى عودة المياه إلى مجاريها ( يعني شغلة يومين زمان ) و إلى ذلك الحين نترككم في حفظ الله و رعايته .

و شكراً

ملاحظة : بحب وجه تحية لكل اللي ما عم يقدرو يفوتو ع المنتدى بالامارات و انشالله قريباً تنتهي معاناتكن إما برجوعكن للوطن أو بالغاء الحجب و هي