انا مش قادره افهم عشو بتعتمدو بمواضيعكو ؟؟ انت شو بتعرف عن فلسطين ؟؟ غير اللي بتشوفو بالتلفزيون ؟؟
موضوعك كلو حكي فاضي و مش صح مسيحية فلسطين عانو وناضلو زي اسلام فلسطين كلنا منحب ارضنا , المسيح اما قلنا ما تحبو ارضكو بس بتفرق طريقة النضال
انا من فلسطين و مسيحيه وبعرف اكتر منك بعام ال 48 كتير من المسيحين تهجرو من قراهن زي الاسلام في منون طلع لسوريا ولبنان و الاردن و القسم الاكبر بقي بارضو و تهجر لقرى تانيه
المناطق اللي ضلت تحت حكم اسرائيل ضلت تناضل عشرات السنين ليتعيدو ارضن بس شو قدرنا نساوي ؟ ولا اشي لا احنا ولا الاسلام , اسرائيل عندا قوه عجيبه مش من ناحية سلاح بس , اليهود قدروا يزرعو بقلوب الشعب الفليطيني باراضي ال 48 لا مبالاه فظيعه المسيحين والاسلام نفس الاشي .. الجيل الجديد اللي طالع اليوم ماعندو هويه ان كان مسلم او مسيحي منحب فلسطين كتير ومنحب ارضنا بس انتمائنا صار كتير ضعيف اغلب الناس هون بتهتم بس بلامور الحياتيه ..
فترة النضال ما كان في فرق بين مسلم و مسيحي , ستي دايما بتحكيلي كيف اليهود طلعوهن من قريتهن و كيف ضلو عشرات السنين يناضلو بس ما طلع معون اشي اسرائيل انتصرت على الكل
اما المسحيين بالضفه و بغره قلال بس حاربو اسرائيل زيون زي المسلمين والاحتلال اللي على المسلمين زيو زي اللي على المسيحيه اسرائيل ما بتفرق معا نابلس او جنين او بيت لحم او بيت ساحور كلو واحد
وبدي ازيد على معلوماتك شغله المسحين اللي عايشين باسرائيل ما بخدمو بالجيش الاسرائيل بس اخوانك البدو العرب المسلمين بخدمو بجش اسرائيل و الدروز كمان
وكمان شغله من شان دروز الجولان سوريا مفكره انون اكبر وطنين , ازا مش كلن اغلبهن بحبو اسرائيل و بخدمو بجيشها و معتزين بالهويه الاسرائيليه اللي معون و ما بتمنو يرجع الجولان لسوريا بس هني بعرف انو اسرائيل رح تزتون بالاخر وترجعون من شان هيك بحفظو خط الرجعه وببينو للعالم انون ضد الاحتلال ومع سوريا , لانو برغم حبهن لسوريا بس هني بفضلو اسرائيل لانو برغم كل هدا و برعم انو منشعر مرات انو احنا اغراب عن وطنا , بضول وضعنا احسن من المتفلسفين اللي بدون فلسطين والقدس ترجع و هني قاعدين قبال التلفزيون , على القليله هون الواحد لما بمرض ومامعو قرش بتعالج ان كان يهودي او عربي , مش عم دافع عن اسرائيل لانو كتيير مرات منشعر انو هاي ما عادت ارضنا بس كتير مرات كمان منشكر الله وضعنا بكتير احسن من اغلبكن مع انو بتقدر تقول ما عنا وطن بس عايشين و بدنا نتأقلم مع اليهود , و على فكره في كتيير يهود احسن من اكبر عربي
بتمنى انو تقدر تنام بعد هدا الرد لاو حاسه انو هاي القضيه كتير مقلقتك "النضال المسيحي في فلسطين" مرحبا نضال شو طلعلنا ؟؟؟
|