[أمير المحبين]

كاتب النص الأصلي : Joe

الله يجيبك يا طولة البال

عن جد ماني فاضي رد رد مفصل لأنو خيفان اخر شي تطلع من موديل صياد الطيوز (مقصودة!) و يروح كلامنا على الفاضي... بس ما بعرف انت مانك شايف انو الحكومة السورية كل ما كانوا يوصلوا الفلسطينيين لمحادثات سلام يجوا الفصائل المدعومة من سوريا تعمل تفجيرات بمواقع مدنية... متل اخر تفجير ارهابي قدام محل الفلافل بالسوق! ما بدها تنين يحكوا فيها بس معروفة مين عم يبعبص مشاريع السلام و كل المشاريع يلي ممكن تأدي لأي تقدم أن كان بلبنان أو بالجولان أو بفلسطين... لك حتى كنا عم ندعم اوجلان الكردي يلي دعمه هوي ضد مصلحة سوريا !!! (يا رب تعرف ليش) و ما قلعناه من بلادنا لحتى هددتنا تركيا عسكريا... و كنا مندعم المعارضة العراقية مو حبا بالمعارضة العراقية بس بعصة بصدام و كنا حاطينون عنا و منيمينهم بالأوتيلات.. و بس طار صدام و راحت المعارضة على العراق بلشنا نسب و نصهين فيهم ... و لحد اليوم عم نتغاضى و نطنش عن دخول السوريين للعراق... و كمان هادا الشي ضد مصلحة سوريا على المدى البعيد...

ثم حافظ الأسد كان اكبر مخوزق لعملية السلام بالمنطقة و كان ممكن يصير سلام و نرجع قسم كبير جدا من الجولان لو رضي يوقع.. بس ما رضي.. يا عمي واحد مفلس عسكريا طيب و بده يحرر الجولان؟ كان المفروض يرضى بالنصيب و بعدين يرجع يستأنف لحتى يحصل على الكم متر على بحيرة طبرية... مع انه لو فيه شوية مخ اقتصادي بيعرف انو بكرا مع السلام مشكلة المياه بتنحل بطريقة سلمية و اسرائيل ما بترفض تعطينا مي لما يكون في علاقات سلام و تجارة بين البلدين

ثم مصلحة أسود سوريا الباسلة هيي ببإقاء الجولان على حاله مشان ابقاء حالة الاستنفار و الطوارئ و فرز السيارات و علب الجبنة العربي للضباط الأشاوس

ما صار إلا ما كتبنا

اسمحلي ياخ جو...
اولا: اسرائيل مو ممكن ابدا تتنازل عن الجولان لأنه مرتفع استرتيجي ممكن تقصف اسرائيل
دمشق بكل سهولة من دون الحاجة الى ادخال قواتها الى الشام نفسه....
ثانيا: اجتمعت الأمة العربية على انو سياسة الأسد(الأب) الخارجية كانت متوازنة لكن الداخلية
كانت رديئة الى ابعد درجة(فهو السبب في ازمة1982)
وبالمناسبة لو انه فكر ببناء قواعد اوروبية وروسية وادخل التجارة الأجنبية الى البلد لما تخلت
عنه هذه الدول لأنولها مصالح تجارية وسترفض أي عمل عسكري ضده.....ولو انه الغى فكرة
الأشتراكية الشيوعية التى لم يعد يؤمن بها الروس انفسهم لسمح على الاقل بدخول
الشركات الخليجية الى السوق السورية ....
ثالثا: لاتفرح بموضع الماء لانو اسرائيل لو طبعت العلاقة راح تعطيكم جالون وتاخد عشرة متل
الأردن....وعلى فكرة اسرائيل ستكون مستفيدة حيث ستدخل بضاعتها الى الأسواق السورية
وحيث انو تعداد سوريا 18 مليون لو افترضنا انها باعت بضاعة قيمته عشر ليرات باليوم
فسيكون ربحها الصافي 18*10=180مليون ليرة ..................................................
.................................................. .................................................. ...........