من حوالي اسبوع تقريباً ..و على نصف الصفحة الأخيرة من جريدة الوسيلة الإعلانية كان في إعلان عن إطلاق محرك البحث العالمي google في سوريا !!!
الإعلان كان عم يدعي الناس للاشتراك ؟؟ و عم يأكد أنو google هو اقوى محرك بحث بالعالم و انو يوميا بيعمل اكتر من 150 مليون عملية بحث
طبعا لحد هون الكلام حلو...بس وقت بكون مكتوب بالاعلان انو الموقع تابع لشركة ماتريكس الإعلامية ( الله يتحنن ) ...بكون هالحكي اسمو نصب و احتيال ...بالمشرمحي يعني
و بكل وقاحة ....
تعلن شركة ماتريكس رسمياً إطلاق محرك البحث الأول في العالم / Googlesy / جوجيل سوريا
وتقدم هذه الخدمة لجميع عملائها في الشرق الأوسط والعالم العربي و مركزه سوريا 
http://www.matrix-syria.com/google.htm
طبعا من المعروف انو google وقت بيعمل موقع محلي بكون اسمو google و بلاحقة البلد ....يعني مثلاً google.us او google.ae ....او google.fr مثلاً يعني ..و بالتالي في حال فكرو جماعة google انو يعملو شي خاص بسوريا ف حيكون الاسم ببساطة google.sy اما اذا كان الاسم googlesy.com متل ما هو الموقع الحالي فهو تماماً موقع مزيف و عم يقوم اساسً بعملية غير شرعية من حيث انو عم يستخدم الاسم التجاري ل google بدون ترخيص
بالبحث عن معلومات whois للنطاق googlesy.com منلاقي التالي
Domain Name: GOOGLESY.COM
Registrant:
TWT WEBSTAR
jamil (contact@twtwebstar.com)
ishbilia bldg.704
homs
null,1560
SY
Tel. +963.312181000
Creation Date: 26-Sep-2005
Expiration Date: 26-Sep-2006
Domain servers in listed order:
ns3.twtwebstar.com
ns4.twtwebstar.com
يعني بمعنى آخر انو الموقع شغل حمص 100% و انو محجوز لسنة وحدة ...يا حرام....يعني عم اتخيل google هيك مفلسين وما معن يشترو الدومين لأكتر من سنة
المهم و باختصار ..و مشان ما طول عليكن كتير....الموقع هو عبارة عن نصب و احتيال و استغلال غير شرعي لاسم تجاري مشهور و عريق ...يعني بضاعة مقلدة الهدف منها الربح التجاري . و انا ماني ضد الربح التجاري ابداً ...بس انا شخصيا ما عندي ولو حتى نتفة ثقة بشركة ممكن تزور ماركة متل google بطريقة تهريجية لتكون وكيلي الاعلاني ..مثلاً يعني .
و الموضع للتنبيه و التنويه و المناقشة و لممن يهمه الأمر
و لا تآخذونا
لك صحي...انو ما اشتقتولي
J.S: Death is the solution to all problems. No man = No problem.