اقتباس:
|
كاتب النص الأصلي : نيقولا
يعني أيضاً السوريين يحيون فيك إخلاصك لمباديء الأم أمريكا وهذا إن دل على شيء فهو يدل على تنشئتك الأمريكية
Made in Saudi Arabia under liscence from USA limited
نحن السوريين كل الذين ذكرتهم يشرفوننا - مع ما عليهم من غبار وأوحال - أكثر ممن يعشعشون في عقولكم ويسممونها بأفكارهم
طبعاً أنت لا تعرف عن البعث شيئاً حتى تكون معه او ضده ، بل دوافعك تجاهه غير خافية على احد في المنتدى..
وأنا لست بعثياً أيضاً
|
بداية بحب اقول لك انو انا سوري الجنسية مقيم بالسعودية
تاني شغلة انا مابواخذك على جوابك لاانك حقود ولهجتك مليئة بالحقد والغل
شوف حالك هلأ أنت بألمانيا
فهل المانيا احسن من امريكا يعني ؟ ولاانت على راسك ريشة ؟ ياالماني يابو عيون زرقة وشعر اصفر ؟
وتاني شغلة انا بعرف حزب البعث وبعرف مبادئه اكثر منك
وانا عانيت من البعثيين اللي بيشغلوا المناصب الحكومية
انا عانيت من الاحتيال والنصب
عانيت وانا عم جمع بدل الجيش 5000 دولار منشان بالاخير يجي شي عقيد ركن بعثي يركب مرسيدس شبح من ورا هالمصاري اللي عم يلمها من المغتربين المساكين
عانيت من رسوم الاغتراب كل سنة 150 دولار بدون وجه حق
عانيت من الرشاوي كل مابدي سوي معاملة بسوريا لازم ابرطم الموظف لحتى يمشيلي معاملتي
عانيت من الحرامية والنصابين والمحتالين وياكثرهم
عانيت من المعايير المزدوجة في التعامل
على سبيل المثال : لما رحت اسأل على وظيفة من باب الفضول لما كنت بسوريا
رحت على شركة سيريا تل وانا املك مؤهلات مناسبة فقدمت ملفي واتفاجئت انه اول سؤال بيسئالني ياه المدير اللي سوى معي مقابلة ( إنت ابن مين وجاية من طرف مين )  فقلت له شو طلبك بالنهاية ياسيد هي مؤهلاتي واذا بتحب تساويلي فحص انا جاهز ليش عم تلف وتدور ؟
فما كان منه الا ان قال لي : تفضل ونحنا بنتصل فيك تلفون
قلت له طيب
انتظرت اسبوعين ولما ماتصل علي حبيت انا اتصل عليه واساله شو صار معه
المهم : اتصلت عليه وقال لي للاسف جبنا واحد عنده موهلات اكتر منك
واقفلت التلفون بوجهه لاانه انسان حقير بكل معنى الكلمة
المهم اتصلت على ابن عمي اللي دلني على الوظيفة وبهدلته بعد ماهديت اعصابي شوي قال لي ابن عمي كلام مااتوقعته ولم اكن اتوقعه
قال لي : انت الحق عليك ليش مارشيته ب20000 ليرة
كان وظفك عالسريع
فتخيل هالموقف ياالماني يانازي يابعثي
الله وكيلك قديش صارلي بالسعودية ماشفت هالشي ولاراح اشوفه
شغلة تانية
في يوم من الايام دخلت على مطعم هون بالسعودية مشان اطلب وجبة
المهم دخل واحد سعودي مع اولاده الاربعة اجا ولد من اولاده فتح تلاجة العصير واخد علبة بيبسي فشافه ابوه قال له ياوليدي بيبسي لأ لأ منتج امريكي لأ فاهم علي ياوليدي وانا جالس عم اتفرج قلت للسعودي احييك على هالتربية العظيمة
فشوف قديش ظلمتهن هدول اللي عم تقول عنهم امريكان ونسيت حالك
ولاتنسى انو السعودية هي اكتر دولة بتقدم مساعدات للدول الفقيرة وبتقدم مساعدات مالية الكبيرة للفلسطينيين ينما انتوا مو شاطرين الاا بالشعارات وامة بطيخية واحدة ذات رسالة خالدة والاغاني ووين ووين ووين الشعب العربي وين  عنجد مسخرة ناس بتقدم معونات مادية ومعنوية وانتوا بتقدموا شعارات هبلانية مابتسوا فرنك بسوق الغلا
ياعيب الشوم بس
دع الأيام تفعل ماتشاء.....وطب نفساً إذا حكم القضاء
|