الموضوع: مقلاية أخوية !!!
عرض مشاركة واحدة
قديم 15/10/2005   #167
شب و شيخ الشباب here i am
مشرف متقاعد
 
الصورة الرمزية لـ here i am
here i am is offline
 
نورنا ب:
Dec 2004
المطرح:
International City
مشاركات:
2,301

افتراضي


لنقول الله و نبلش

اقتباس:
كاتب النص الأصلي : XT2K


مجد سؤالك الاول: ليش لهلأ ISDN؟ جيب ADSL
حنا كيفك شو أخبارك زمان ماطليت لعنا .......
أول شي أنت يمكن جاي لعندي عالكافيه يمكن مرة وحدة و من زمان
هلأ يا سيدنا ال ISDN تركنا من شي سنة و شهريين و بعدها جربنا الفضائي بس يامعلم طلع الفضائي شي بيكب و بيعمي مابقلك الداونلود تبعو خيلة بس البراوزيينك أكل خسة
حاليا مشان ال ADSL هذا تبع البريد ماني مقتنع فيه و هلق عم أشتغل عالجمعية بدارة
LEASD LINE إذا سمعان فيها هي داراة مؤجرة مفتوحة 24 ساعة سرعتها يلي أخدها 256 يعني نفس سرعة ال ADSL
يلي كنت عم تحكي عنو بس حلاوتها ديديكيتد يعني مقطوعة يعني إذا بتخرب الدنيا ال 256 بيضلو عندي
و حاليا كتير مقتنع فيك تقول صرلي بحدود ال 10 أشهر عليها و تمام التمام و الحمد الله على طول نحن في حال التحديث و التطوير و هلق عم يطلع ببالي زدلها شي 64 لأنو ناوي زيد كومبيوتريين
سلامات

اقتباس:
كاتب النص الأصلي : SABE


أبو شريك ... يعني ما صار إلا وما إجا دورك ...
اي أهلا و سهلا مان ..
عندي كام سؤال إلك ...
بتآمن بالحب عن طريق الإنترنت ...
لوين بدو يوصل مجد ؟
إذا إجا الدكتور قلك معك مرض خطير و لازم تبتعد عن الإنترنت لمدة جمعة ... بعرف رح تنتحر .. بس شو طريقة الإنتحار
و سلامات شريك ..
1- مشان الحب عن طريق الأنترنيت ... يعني بتعرف أنت الأنترنيت طريقة تواصل متلها متل المكاتيب و التلفون أيام الأجداد هلق هو قادر على نقل المشاعر كاملة بدون انتقاص بس بيضل في قصة أنو صعب تقدر تتعرف عالشخص يلي قدامك بشكل واضح يعني بيضل في شي مخبى و هالمخبى بيضل أحيانا على قدر من الأهمية و بيشكل خوف .... بس مابخبي عليك أي في حب أو أعجاب لدرجة ماقبل الحب عالقليلة
2- هلق لوين بدي أوصل هي الشغلة مابحب فكر فيها هلق حاليا خلي الأفق مفتوح أنو بفضل ماحد طموحي في الوقت الراهن بس ناطرين دعواتك
3- هلق طريقة الأنتحار المفضلة ألي هي أني روح حفلة يمكن إذا رحت شي حفلة بموت
سلاماتي

اقتباس:
كاتب النص الأصلي : hanone
مجود بالمئلاية
ناناانا
نانانا
ناننا
هلاء سؤالي انا شو اكتر شغلة حلمت انك تعملها وماقدرت

انتا غيرت رايك فيها بس بعدك بتحلم
المشكلة بحلم كتير هلق كنت جرب أو فكر أنو أدرس شي بالمايكروسوفت بس الظروف الحالية ماعم تخليلي وقت كتير و ماغيرت رأيي و لساتني بحلم فيها

اقتباس:
كاتب النص الأصلي : sweetbaby
هلا مجود الغالي
سؤاالي لالك انو اذا كنتعم تخطط لشغلة وعم تحلم فيها و بالاخير بيقولولك انو مارح تزبط فشو رح تكون ردة فعلك?
وسؤال تاني شو تعريفك للحب والصداقة
شكيكتي أم الرور
1 – أكتر من الأحباط المؤقت مافي لأنو عندي أمل بيقول مافي شي مستحيل ....
2 – الحب : بظن حلو كتير بتخلي حالي حبيت بس ماني مسترجي رد جربو لأنو بيجي بالهين بس بالصعب ليروح
الصداقة : بحب بدلها بالرفقة القوية لأنو كلمة صداقة بنظري مشوهة و بحب يكون عندي رفقة حبون و يحبوني بس بكره أطلق عليهون اسم أصدقاء لهيك بفضل الرفقة

اقتباس:
كاتب النص الأصلي : Varon
ابو مجيد شلونك خيو...؟؟؟
سؤالي الك شو هي اكبر مشكلة واجهتها بحياتك...؟؟
وهاد السؤال التاني...
اذا كنت تطلع مع جماعة من رفقاتك وبعد فترة حست انو معد بدون ياك بس بدون ما ايقولوا بالمشرمحي ابتنسحب؟؟؟
هلا فارون كيفك أنا منيح :
1 – أكبر مشكلة أكبر مشكلة مابذكر بالضبط بس هالشهر يلي مرق بظن كان فيو مشكلة كبيرة شوي بس انحلت الحمد الله بس لهلق بظن هي كانت أكبر مشكلة و كانت خطرة شوي
2 – أكيد بنسحب و بفضل احتفظ بحق الرد بس بوقت لاحق على مبدأ السياسة السورية

اقتباس:
كاتب النص الأصلي : rery
مجدوووووووووو اي
سؤالي هو انو اذا كنت بغابة وطلعلك اسد بتخاف
لا أكيد مابهرب يه شو أهرب ماعيبببببببب


اقتباس:
كاتب النص الأصلي : SIMON

سؤالي :

شو هوي أحلى موقع دخلتو عالنت "غير أخوية" و ليش حبّيتو شو لفتك فيه..

تحياتي الك

كل المواقع خير و بركة بس كل المواقع فيك تقول مؤقتة يعني ماعلقت بولا موقع غير أخوية
بس في هذا الموقع كتير بحبو www.hate2wait.net موقعي المبجل .


اقتباس:
كاتب النص الأصلي : Willi
لك لعمى كل هدول عليه
يلا ما رح كتر الاسئلة لان في كتير اسئلة


1.لمحة شخصة عنك
2. اكتر الصفات اللي بتكرهها
3. المواضيع اللي بتقراها اكتر الشي

1 – اسمي مجد عمري 22
عم أدرس معهد إنكليزي أعداد مدرسين بس ماكتير تشد إيدك كسلان يعني
و حاليا عندي محل أنترنيت و هلق سجلت نظم معومات بركي الله بيرزقنا
2 – بكره طق البراغي ( حشى السامعين ) و بكره الكذب و الضعف .
3 – بحب أقرا نقد ساخر و مواضيع الصالون بشكل عام بفضلها

اقتباس:
كاتب النص الأصلي : السيد مكاوي
اذا علمت انك سوف تموت في الغد فكيف سيكون شعورك وما هو الشئ الذي ستفعله قبل ان تودع هذا العالم ؟
بعمل كل شي ما سويتو بحياتي لسى اسمها ميت و ميت مشان ماخلي حصرة بقلبي

اقتباس:
كاتب النص الأصلي : Willi

1. عرفلي الصداقة بمفهومك الخاص
2. الحب بمفهومك الخاص
3. اذا خيروك بين حبيبت القلب وبين حدا من اهلك مين بتختار؟
4. 2. اوصف هالاعضاء و المشرفين:

الحكيم
سيمون
كريمبو
بلو ايز
ليلى
صياد الطيور
سييب
فارون
ماهر
طارق
سويت بيبي
هنون
كاكا بودو
سيريا مان
وانا وما حدا غيري الاستاذ الفنان الدكتور الفيلسوف العالم المهندس الزعيم ويلي
الله يقرفك قلنا خلصنا مرقت على خير مافي خواص


أول سؤالين سبقتك عليون ريتا ليكون فوق
3 – بما أنو مافي حبيب قلب حاليا فبختار أهلي حتى لو كان في رح أختار أهلي كمان
4 –
الحكيم :
اسم على مسمى حكيم ... شخص كتير فهمان و واعي و عندو نظري مستقبلية و بظن بيقدر يكون بكل المطارح حكيم

سيمون :
مابعرفو كتير ل سيمون بس من ردودو مبين حرار و محبوب

كريمبو :
أخ كبير و مخ كبير ألو معزة خاصة بالقلب

بلو أيز :
كتير بحبها هي البنت لأنو مابتنسى حدا و طيوبة كتير

ليلى :
شريكتي و هل يخفى القمر لك إذا بتطبق السما عالأرض مابلاقي متلها تنين دخيل ربها

صياد الطيور :
شب واعي و مرتب بس بحسو كتير متعصب لمبادئ معينة .

Sabe
سعيد يسعد الله أحلى أيام قضيناها سوا .... ذكرني ألك سر بس خلص أبو سعود بقلبي من هذاك اليوم يلي بالي بالك

فارون :
لقطتك وقف عندك ..... و الله دمعة بقلو من كل قلبي الله يوفقك مبين عليك ألك مستقبل سلة بس لاتقرب عالعمالقة

ماهر :
حماسي جدا ماهر و شغلة كبيرة ياريت في منو 2

طارق :
كلمتو بمحلها أنا بحيي من قلبي بس شوي شوي عالعباد أبو طريق خلي قلبك كبير خيو

سويت بيبي :
شكيكتي ... طيوبة و أنا بحبها كتير لهلبنت و عندها أفكار كتير و واعية بس عنجد أخت بمعنى الكلمة

هنون :
مارح أحكي ولا كلمة هي بتعرف غلاوتها مافي داعي أحكي

كاكابودا :
و الله مابعرفو لسى ل جورج بس بتمنى أتعرف عليه سلام مني ألو

سيريا مان :
الله يوفقو بحياتو مع أنو صرلي زمان ماشفتو هون بس بقلو أنت غالي و ناطرينك هون نشوفك بيناتنا

و ويلي :
أنت دبحك حلال يعني بتعرف إذا بيخيروني بين أنو اقعد معك ولا روح عالنار ........... بختار أقعد معك بدون تردد
يلعن ديبك بس كتر خير الله مافي منو 2
عم أمزح شغلة أنت والله بس بيجي دورك

اقتباس:
كاتب النص الأصلي : Krimbow
مرحبا ابو المجد ....

ليش اهلك سموك "مجد " ؟؟

و انت لما اخترت اسمك بالاخوية ... ليش اخترت هالاسم here i am ؟؟؟
معلم كريمو ... أخي سماني وقتها مجد كان يحب هالاسم كان أهلي بدون يسموني عروة ماتقول لحدا

مشان here i am
غنية ل براين أدمس بحس هالغنية بتدفشني و بتعطيني قوة
و هير أيام يعني أنا هون بالصالون و ماني حالل عن ربكون



هلق أخر الشي حابب أقلي واحد نازل ئلي بهالبشر و الله وقعك و وقعت
Willi حضر حالك
سلامات




و يا صبحة هاتي الصينيا و صبي الشاي ليكي و ليا
 
 
Page generated in 0.05043 seconds with 10 queries