اقتباس:
|
كاتب النص الأصلي : المعلم أبو الميج
احيي فيك اخلاصك لمباديء البعث وهذا ان دل على شيء فهو يدل على تنشئتك البعثية العظيمة ايها البعثي من قال لك انني اهتم بالحديث عن السعودية ومشاكلها ؟
|
يا معلم أبو الميج !
يعني هو شيت مافي فساد بالبلد في فساد بالبلد.. بس يعني تلزقها بالبعثيين يعني هي كثير مصطحة و فايشة (ضحلة) .. ليش؟
- أولا البعث هو حزب فيه مبادئ عظيمة بس يعني العترة على التطبيق.. يعني لما واحد بعثي بيعمل مشكلة مو لأنو البعث بيقلو عمول هيك بس لأنو انتهازي .. يعني مثلا إذا إجا واحد مسلم سرق او اغتصب أو عمل إي مشكلة ثانية (مثلا المسلمين بفرنسا كثير منخرطين في الجريمة) يعني ما بتقول فساد الدين الإسلامي بس بتقول فساد المسلمين أو قلة من المسلمين أو كثير من المسلمين
هلا أنا ليش استخدمت هادا التشبيه مو للاستفزاز للكن للتوضيح و لأنو هي الأحزاب لانخرط أعضائها بالفساد كثير في جميع دول العالم تم نشرها و فرضها بنفس طريقة الأديان يعني الأديان الجديدة كانت الأحزاب
أنا ماني من أنصار البعث و لا ني من أنصار العروبة (معلومك اسمه حزب البعث العربي الاشتراكي و شعاره أمة عربية واحدة) و ما بحب البعث بنوب بس هلا الملاحظة الأهم أنو طريقتك بالحديث عن البعث و البعثيين بتذكر بالأميركان و العراق و هادا الشي يعني بيعمل حساسية و حكة عند السوريين بمختلف انتماآتهم الحزبية و غير الحزبية فكان الأفضل أنك ما تعمل شطارة يعني بالموضوع حاكم الاسماء و القصص اللي ذكرتها منعرف أكثر منها و أدق منها بدون خلط الحابل بالنابل
فقط على سبيل المثال الدكتور سليم ياسين لما قبض عليه و بدأت محاكمته كان أولاده مازلوا في الجامعة و سافروا على أميركا من وقتها يعني لا كانوا موظفين و لا هم يحزنون
بعدين مين قلك أنو بسوريا بيخوفو مجد الأسد بعمو رفعت؟؟