يا أمير المحبين (شكلك حبيب كثير
) أنا ما حكيت عنك بالذات و لا وجهت ردي إلك شخصيا... و بالأساس المشاركة انحطت لتشير إلى انضمام راهب إلى الإسلام يعني في سياق تبشيري.. يعني بما يتوافق مع طرحي..
اقتباس:
لييييييش ما بتحبي القومية
|
أنا قلت عندي تحفظات على النظرية ما قلت ما بحب أو بحب القومية العربية
لا والله يا حبيب مو كلنا أصلا عرب...
اقتباس:
ولا ممكن منشان لهجتنا الخليجية (بشعة) مقارنة بلهجتكم(النعنوعة)
على مايقول واحد هون عنا بالمنتدى
|
و ما جبت سيرة اللهجات مع أني بحب اللهجات و خصوصياتها أما هي نعنوعة و مو نعنوعة .. نحن ما عنا غير اللهجة الحلبية نعنوعة وبقية اللهجات "جفصة و ما الها لزازة"
اقتباس:
بعدين أنا عندي تعليق بسيط هو انو أغلب الموجودين بالمنتدى يكرهوا القومية العربية كتيير
وبدهم يستبدلوها بقومية سنسكريتية مدري شو اسمها سريلانكية(سريانية)
من كتر العقد النفسية اللى عملتلهم اياها مادة القومية بالمدرسة
|
أضف لمعلوماتك أنو مادة القومية هي اللي نشرت فكر القومية العربية و لغت القوميات الأخرى في سوريا و همشتها .. و اسمها "التربية القومية العربية الاشتراكية" بس لا تاخد الأمور بطريقة اللي مو معي ضدي .. يعني في شي اسمه تعددية و في شي اسمه محاولات تشويه التاريخ و طمس حقائق و مماهاة للمفاهيم يعني أدوات إيدلوجية و لأغراض سياسية..
سوريا من البلدان الناطقة بالعربية، لكن على سبيل المثال لن أقول لك الولايات المتحدة أو كندا أو ليبيريا أو..... لكن سأقول لك في بريطانيا العظمى أو المملكة المتحدة يتحدث الويلزيين الإنكليزية و كذلك يفعل الاسكتلنديين لكني اتحداك بأن تأتي بشخص واحد ويلزي أو اسكتلندي يقول لك أنا انكليزي...
أما الحديث عن القومية السورية ، فهي قضية تاريخ و جغرافية و أنا عندما اتحدث احاول ان أكوّن نظرة سياسية علمية و قابلة للتطبيق و لم الشمل، أكثر من التشدق بشعارات قومية عاطفية فارغة لعشرات السنين لم تستطع أن تجمع بضع سوريين مع بضع سعوديين على فضاء الإنترنت ...
و أنت ما الك الحق تتمسخر على السريانية أو غيرها و إذا كانت ما بتميز السريانية من السنسكريتية فهي مشكلتك يعني ، و كل القوميات و الجنسيات لها شخصيتها و احترامها بما فيها السيرلانكية لأننا كلنا بشر (في حال كنت عم تغمز و تلمز)
على كل انا فينيقي مو سرياني
اقتباس:
لأ دخيلك خليني أصلح حالي أول
أقسم بالله اني شخص مو ملتزم كتيير بالدين الأسلامي ...
انا عم بدافع عن الحكومة فقط.. ولا حظي اني رديت على الأخوة اللي سبوا الملك
وازا عندك أسئلة دينية اسئلي غيييري لأني اصلا جاي هون منشان افرفش مو منشان اتنائر
|
برجع بقلك أني ما حكيت عنك شخصيا و ما قربت على الدين الإسلامي و أنا حكيت بالموضوع من زاوية توافقية
و أخيرا و ليس آخرا: يا أستاذ أنا اسمي دانيتو مو دانيتا.... يعني و كاتب بمشاركتي على سبيل المثال (مزوق الله يخليني لأهلي ) و لم أكتب (مزوقة) يعني بس من باب التوضيح أنا ذكر مع أنو الموضوع مو مهم لأنه الشباب و البنات كلن خير و بركة لكن وجب التوضيح