مرحبا بالشباب و الصبايا!
(مع أني ملاحظ كل المشاركين شباب بس من شان القراء كمان... مزوق الله يخليني لأهلي
)
على كل بس عندي شوية ملاحظات يعني و بتمنى تاخدوها برحابة صدر
المنطلقات النظرية:
- هو أنا بعرف أنو الأخوان و الأخوات في السعودية كلهم بلا استثناء مبشرين و بيتمنوا الإسلام يسود العالم (بس يعني هي شغلة ثقافية نتيجة التنشئة و "مسح الدماغ" برأيي أو التنشئة الصالحة بحسب رأيهم)
- مع تحفظاتي الـ 1.500.553.032.065 على نظرية القومية العروبية و التي هي صنع الإنكليز ، بس لا يمنع ذلك أن هناك روابط تجمع البلدين و تحديدا اللغة و الدين و هي نقاط يجب استخدامها لتوافق البلدين و تعاونهما و ليس لتشجيع طائفة على أخرى..(لا بد من الإشارة إلى أن دعم السعودية لسوريا كان منقطع النظير اقتصاديا و سياسيا في مراحل كثيرة من التاريخ في حرب تشرين و غيرها بالإضافة إلى استقبال الكثير من السوريين للعمل و الإقامة مع وجود تحفظات ليست قليلة على المعاملة التي تلقاها الكثير منهم و أسلوب التعامل و على كل الأحوال العالم ما عم تشحد هنيك يعني عم تشتغل و أحيانا كثير عم تاخد اقل ما بتستاهل يعني المنفعة متبادلة)
- يعني نحنا بالقرن 21 و دخلنا الألفية الثالثة.. و لازم نحارب الجهل و التعصب بداخلنا...
- أنظمة الحكم في دول المنطقة متفاوتة في بعض الأمور لكن جوهرها واحد و ما حدا أحسن من حدا....
بعد هي المقدمة الطويلة
- يا شباب يعني هذا الحديث العنصري عن السعوديين مو مقبول .. و ما حلو بحقنا، و لا يدل على أي نوع من أنواع التفوق يعني يدل على التعنت و الإنغلاق..
- يا شباب السعودية أو اللي عايشين بالسعودية يعني إذا كان في إصرار على التبشير يعني بدكون تستخدموا لغة مختلفة و تتوقعوا ردود مو موافقة علي بتحكو و بتجادل بموضوعية و بغير موضوعية يعني في جرأة عند الشباب أن تفكر و تسأل أسئلة محرمة
تحية للجميع و ما في داعى للقتال و الزعل خذوها بروح رياضية يعني