اقتباس:
وقال كمان متل ما بتوصفوني بوصفكن امام ابي يوم الدينونة؟شوف شو بتوصفو زلمة ثوري
وهيك هو راح يوصفك زلمة ثوري على نكراني فانت مو من ابنائه وهيك مالك مكان عندو بمملكتو
بتنصف مع اجدادك الثوريين يلي سبقوك واحفادك يلي راح يتبعوك
|
طيب يا ستنا ..انا ما من ابنائو ..أصلاً نحنا ولاد البطة السودة :P
و منيح أنو ما إلى مكان بمملكتو لأني ما بطيق النظام الملكي ....و كتير بكون مبسوط اذا بحطونا سوا كلياتنا ( نحنا الثوريين طبعاُ )
أما بخصوص أنو أقام الأموات . هاي شغلة عادية بتصير كتير بالضيع و بالهند . و اذا مانك مصدقة ...تصطفلي
اقتباس:
|
وصلت لمرحلة من البحث واختبارات كتير بحياتي اثبتتلي موبس الله موجود في الكون لكن هو معي بكل طرق حياتي وانا معو بروحي ومحبتي
|
كمان أنا بعد البحث و الاختبارات توصلت أنو مانو موجود ...قولك معقولة تكون المشكلة بالعينة المدروسة
أو كان يمكن لازم استخدم مشعر أزرق الميتيل للكشف عن وجود الله في طرق حياتي , وبعدين أخد خزعة من روحي مشان نعمل عليها تحاليل و نشوف اذا فيها اثار من الله
اقتباس:
انا ما ناقشتك وانت قلتها تضيع وقت ,انا طرحت مواضيع باقسام خاصة بالاديان واللاهوت وحوار الروح ,وطالما انتو الملحدين ما الكن علاقة الاديان وبالله ليش لتحشروا حالكن وتتدخلو اوليش لتدخل على هالمنتديات وتناقش فيها طالما بتعتبر كل هالناس يلي بيكتبوا سخفاءهنن ومواضيعهن لانهن مابيفكروا
بس لانك بتعرف وبتشعر بوجود هالحقيقة بس في سبب خلاك تتجه للالحاد حتى بدون تفكير بس لانك حابب تكسب حرية غير موجودة او تميز مارح يطلع منو شي ,الله وحدوا هو يلي بيعطيك الحرية وهو يلي بيميزك,وبالنهاية الضمير هو صوت الله في الانسان
وشكرا حشوت
|
هلق يمكن نحنا ما النا علاقة بالاديان بس الاديان الها علاقة فينا.
يعني انا اذا بدي اتجوز مثلاً ضرور روح اخد ورقة معمودية ومطلق حال و روح وقف متل المسطول قدام واحد مطول دقنو ولابس متل لبس العصور الوسطى و حاطط بخور و معو عصاي بأيد و لابس خاتم قد راسي ؟؟
هلق بدك تقوليلي انو انا حر ...اي لاء انا ماني حر. وقت اللي بتحل عني الكنيسة و الاكليروس و بيسنحو بالزواج المدني ,و امور اخر طبعاً لأنو انا هون عم احكي على سبيل المثال , بهداك الوقت مابدي منكن شي . تصطفلو . اما طول ما انتو ( المتدينين ع اساس ) دابقين سمانا طبعاً بدنا نضل نحكي و نناقش و نشارع و نحارب كمان .
وحاج بقى تحكي بهالفوقية انو انا ياحرام اجدب و ما بفهم و انو انا ملحد مشان كون متميز و من هالحكي اللي ماالو علاقة بالموضوع من اساسو .
و اذا سمحتى ما تحكي شي ع لساني انا ما حكيتو من حيث انو انا بعتبر متل ما تفضلتي انو اعضاء المنتدى سخفاء . لعلمك عدد كبير من اعضاء المنتدى اصدقاء شخصيين الي . و بحترمن لانن بيحترموني و ما بيحكو بالمنطق اللي بتحكي في حضرتك .
و بالنسبة لجواب على لولو انو مين خلق ....و انو الجواب الله ما كتير تنبسطو تحطو ابتسامات . لأنو الذكي بيعرف شو معنى جوابي .
ولا بقى تقوليلي حشوت اذا سمحتي . بيني و بينك مافي مزح