[بدوي الجبل]

روحي أنت وصيّادو
بيمشي الحال



وجهتنا السياحية يا شباب لما تجوا على اللاذقية

أولا بعد ما منستقبلكن جميعاً

منروج أولا على كورنيش جبلة و بعدين منطلع طلوع على جبال اللاذقية وبعض المناطق السياحية و نحنا ما شيين بالطرطيرة بقصد ( بشّبح تبعي ) . منروح على صلنفة منقعد بشي مطعم راقي ومنأكل مناسف و منشرب بيرا و مناكل موز و بطّيخ و مناكل بزر جبس كمان و بعدين منطلعكن على قمّة النبي يونس و عليها وهونيك روووووووووووووووووح شم الهوا البارد ( أقسم بالله يا شباب شي بيفتح النفس وشي بيجيب الصحّة )

المهم :

وبعدين منروح على الحفة و فيها قلعة صلاح الدين ( ملاحظة والله يا شباب يكون صلاح الدين عايش بهل اثناء كانوا اغتالوه الاسرائيليين )

المهم :

و مندخل على القلعة العظيمة ومنفوت على المعطم و مناكل بوظايات طيبين تبعا الـ 35 ليرة بس يكونوا على شوكولاطة ..

و بهل الروحة منروح على رأس البسيط ومنشوفكن قمة جبل الأقرع . وهون منشوف المناظر الخلابة و منقعد على جبل العرب على الحدود السورية التركية و منشوف الضيع التركية في لواء اسكندرونة .

ونحنا ونا زلين على راس البسيط و و بعدين بتناموا بفندق العمال السياحي ( أربع نجوم )
ومنتسبح بالبحر ( بس أوعا قنديل البحر ناطركن بشي عضّة ماكني )

و تاني يوم منفطركن مكدوس بالمطعم و جبنة و فلافل لبنه ونسينا الشاي

وبعدين بوجهنا على غابات الفرنلق الرائعة و هون تبدأ الحكاية . منقعد على أركيلة و بزر شرب بيرا و نبيد و فوتكا و كل شي .. ومناخذ الصبايا معنا .

و منقعد على النهر هونيك و شي رائع و خضار و شجر و عشب .. وشي كتير

و هون بيخلص اليوم
باليوم يلي بعدوا
مناخدكن على نادي الضباط باللاذقية و هونيك بتتسبحوا على كيفكن بس اوعا تعلقوا بشي واحد ( ترا بتروحونا فيها )
المهم :
وبعدين مناخدكن على المدينة الرياضية محل ما بيصير مهرجان المحبة ..( الله لا يبعد محب عنكن )

و هون منقعد و منّام بفندق المريديان . و بعدين منطلع على بيتنا منقعد على سطح البيت (و هون كلشي بدكن هوي موجود ولا تاكلوا هم . ( بس والله يا شباب أحسن من سطح بيتنا ما في لأنو سطح بيتنا رائع بتشوف مدينة اللاذقية كلها و بتشوف جبال اللاذقية كلها و بتشوف بانياس و جبلي وكل شي بدك هوّ

فشوا بدكن تجوا ولا لأ

قلولي شو بتجوا