[SABE]

القصة من أول ما بلش فيها طارق أنا منتبهلا .. و كنت عمتابع الردود عليها بس القصة و ما فيها إني متعقد من القصص تبعيت الحلقات اللي بالمنتديات .. مشان هيك كنت ما ناوي بلش فيها لتخلص ..
بس آخر جمعتين مضو كان عندي كتير وقت فاضي و قلت لحالي تعا نقراها هلأ أحسن ما بعدين تجي الجامعات و الواحد ماعاد يفضا يشيك إيميلو ..

القصة و بالنسبة للقارئ العربي و خصوصاً من بلاد الشام رهيبة .. لأنو مكتوب فيها كتير مصطلحات بس سكان بلاد الشام ممكن يفهموها متل ما هيي .. و إذا قراها شخص تاني ممكن يفهم المحتوى تبعها بس الجمالية ببساطة التعابير اللي ممكن نحنا نفهمها ..
هاد كان رأيي من الناحية الأدبية للقصة ..
هلأ منجي للأفكار اللي بتحتويهون متل هيك قصص ..
قصة واقعية بشكل عجيب .. لكن فيها شغلة إنها بس قصة إنتقادية للواقع ... و أنا بعد ما خلصت قراءة الأجزاء الموجودين لحد هلأ أول فكرة بتنرسم بعقلي .. إنو معقول !!! كل هالشغلات موجودة و نحنا إسا قدرانين نعيش ؟؟
بس هاي الحياة ما حياتنا .. (( و بعني المجتمع يلي أنا تربيت فيه )) ما فيني بت بالأمر .. بس في كتير أفكار موجودة بس نحنا بعاد عنها بحكم حياتنا اللي أهلنا ربونا عليها و اللي إلها كتير مبادئ إكتسبناها من أهلنا ..متل
بعيد عن الشر و غنيلو ..
و هالتوب ما توبنا .. و هالشغلات هاي .. و أهلنا علمونا كل هالقصص هدول وربونا عليهون لأنو هني عايشين الواقع أكتر مننا ... أو بالأحرى الفترة اللي كنا فيها صغار ... بقا بيحاولو يبعدونا عن كل هالشغلات هاي .. و عاد بعدين إذا الواحد مننا مهيأ للمتاهات و العقد الموجودة بالقصة هاي مستحيل يقدر حدا يوقفو عن الدخول فيها ..

وشغلة تاني .. القصة فيها محاولة إظهار الجروح بطريقة مثيرة للسخرية .. و متل ما ذكر حدا من قبل بالتعليقات .. إنو لازم نضحك على حالنا و نزعل على الوطن اللي شو زنبو بكل هالشي ...
ما بدي إدخل بالتفاصيل تبعيت القصة و الشخصيات و كل وحدة شو بتمثل إلنا لأنو الحديث عن هالموضوع يطول جداً .. و تم التحدث عنه من قبل طارق ...
أنا حابب أعرف بالنهاية شو بيصير من وجهة نظر الكاتب ...لأنو الكاتب شخص متلنا متل ما شفت .. و عضو بأحد المنتديات كمان ... يعني متل ما هو بيفكر بنهاية للقصة و كل واحد فينا ممكن يفكر بنهاية إلها .. بس نحنا كلنا عمنسأل عن تتمة القصة و نطالب فيها لأنو سلمنا أفكارنا للكاتب و إقتنعنا بأفكارو بطريقة أو بأخرى و إعتبرناه إنو عميتحدث بلسان كل واحد مننا ..


بعد ما الواحد يخلص قراية هاي القصة بنصحو ياخد راحة نفسية بشكل أو بآخر مشان يطلع من الجو اللي دخلتو القصة فيه .. و أنا دخلت لجوها مزبزط لأني قريت كلشي مكتوب لحد هلأ بقعدتين بس و ما حسيت على حالي أديش ضليت عمبقرا فيها ..

و كنت ما ناوي قوم عنها لخلصا بس طلعت أنا و جيراني متل سهرة تعارف لأنو إجانا جار جديد .. بقا بالقعدة كل الوقت أنا قاعد عمفكر بالواوي .. و إنو هلأ بيكون مبسوط أو لا .. أنا لو محلو كنت بتمنا إنو يا ريتني ماني رايح على الدورة التثقيفية و ماني متعرف على مرتو لأبو مكني ... و إنو لو الوقت بيرجع لهديك اللحظة ...

قصة بعطيها 10 على 10 ... و بعترف بإبداع الكاتب ... و مشكور طارق على نقل القصة لهون ...