[Espaniol]

[

quote="hashtnasht"]

الله

بأقواله ووجوده واعماله والتاريخ عنده اثباتات على وجود المسيح.
انا ما قلت انو المسيح غير موجود...المسيح زلمي ثوري و انا كتير بحترمو كشخص ..بس ما لدرجة اني اعملو اله

اذا انت حكمت عليه انو هو زلمة ثوري ومنو اله ,طبعا اي ثوري بدو يكون في اسباب على ثورته
ياترى انت تمعنت منيح بأقواله واعماله ,انا ماسمعت عن اي رجل ثوري اقام اموات من الموت واعادهم للحياة,بل معظمهم من اصحاب الايدي الدموية,وكانت اهدافهم لاشياء زائلة مو لملكوت وخلود ابدي,ولحياة خالية من كل المتاعب والظلم والالم ومليئة بالحب ,يعني بدي اسألك قديش بتتمنى تكون عايش بسلام وحب وحوليك كل يلي بيحبوك ,وبيناتهم محبوبتك او اولادك وزوجتك
أمك وابوك واخواتك وحتى رفقاتك تعطيهم حب ويمنحوك حب ,اكيد مافي انسان الا بتمنى هالشي يكون مع يلي بيحبهم ,والعقل مو هو يلي بيجمعهن معك بل هو رباط الروح وانت اكيد بتحس بهالشي حتى لو حاولت تنكره ,انت حر انكر متل مابدك التفكير بيعطيك قد ما بدك افكار بس مابيمنحك الحقيقة كلها ,انا بقلك دور على الحقيقة وبعدين فكر بلي بدك ياه ووقت قلتلك المسيح موجود وله تاريخ ياريت تقرا تاريخه وموبس من مصادر مسيحية , في كتب لمؤرخين غير مسيحين عاصروا السيد المسيح منهم رومان ومنهم يهود, مافي اسهل منها نكران الله ونكران الحق,
الطريق واسع ورحب للجحيم,والطريق مافي اضيق منها لملكوت
وطالما المسيح موجود واعماله واقواله اكبر الاثباتات على وجود الله..
المسيح قال "من آمن بي وان مات فسيحيا"
وقال كمان متل ما بتوصفوني بوصفكن امام ابي يوم الدينونة؟شوف شو بتوصفو زلمة ثوري
وهيك هو راح يوصفك زلمة ثوري على نكراني فانت مو من ابنائه وهيك مالك مكان عندو بمملكتو
بتنصف مع اجدادك الثوريين يلي سبقوك واحفادك يلي راح يتبعوك

انو طيب اذا انا بدي اتبنى لفكارك فرضاً ...ممكن تحكيلي عن جذورك؟؟

انا ما ضربتك على ايدك وقلتلك تبنى افكاري أوالشي يلي عم اكتبوا كل انسان بيسمع للتاني
بس ما ضروري يتبنى الحكي ويرددوا متل الببغاء ,انا لما قلت الله موجود مو لاني مسيحية ومتل ماحكى غيري ,انا نقضت كل الاديان وكل الافكار وكل العقائد ودورت على الحقيقة ,مولاني بدي متل غيري ردد متل الببغاء وآمن بس تقليد للناس أو لانو اصل ديني هيك أو لاني بدي ارتاح وعندي خوف من المجهول ,ولما وصلت لمرحلة من البحث واختبارات كتير بحياتي اثبتتلي موبس الله موجود في الكون لكن هو معي بكل طرق حياتي وانا معو بروحي ومحبتي وازا كل هالدنيا تخلت عني راح يضل معي كأب مع ابنته ,هالمشاعر يمكن تتمسخر عليها لطبيعة تفكيرك لكن هي حقيقة واعلى من كل تفكير ومن كل عقل وبرجع بقول "الله روح فبالروح والحق ينبغي أن يسجد له"

حنان : اذا كنتي انت تؤمنين بوجود الله و تعتنقين المسيحية , فلا داعي ان تهدري وقتك في مناقشة الملحدين . افعلي ما يطلبه منك المسيح , ولا تديني لكي لا تداني , لانه بالكيل الذي تكيلون به يكال لكم , وقبل ان تنظري القذى الذي في عين اخيك انظري الى الخشبة التي في عينك . و حذاري ان تقعي في الفخ فتجدين نفسك من دون وعي او ادراك من لصوص الهيكل.
و اعلمي بان الخمر الجديدة لا توضع في الزق القديمة .لأنه عندها ينكسر ازق و يهرق الخمر , ومن له اذنان للسمع فليسمع .

ولا شكر على واجب

[/quote]
انا ما ناقشتك وانت قلتها تضيع وقت ,انا طرحت مواضيع باقسام خاصة بالاديان واللاهوت وحوار الروح ,وطالما انتو الملحدين ما الكن علاقة الاديان وبالله ليش لتحشروا حالكن وتتدخلو اوليش لتدخل على هالمنتديات وتناقش فيها طالما بتعتبر كل هالناس يلي بيكتبوا سخفاءهنن ومواضيعهن لانهن مابيفكروا
بس لانك بتعرف وبتشعر بوجود هالحقيقة بس في سبب خلاك تتجه للالحاد حتى بدون تفكير بس لانك حابب تكسب حرية غير موجودة او تميز مارح يطلع منو شي ,الله وحدوا هو يلي بيعطيك الحرية وهو يلي بيميزك,وبالنهاية الضمير هو صوت الله في الانسان
وشكرا حشوت