[krimbow]

مرحبا ابو مريم

اول شي ...
خير انشالله حبيب , ليش بالله ازا كنت ملحد ما اقرا و عزب حالي ؟؟؟ لو كنت ملحد بيكون ما عندي عقل يعني ؟؟
و اللا اسلامك ازا كنت انا ملحد رح يختلف باجوبتو ؟؟
و اللا ازا كنت ملحد ما عاد من حقي اني انهدا ؟؟؟

عموما مو هي قضيتنا و للمعلومة فقط انا مؤمن و ماني ملحد ، و لما بناقش بناقش بطريقة علمانية، بتنبلع و بتنفهم

لحتى كون صريح ... ما عندي كتير معلومات دينية .. و نادرا ما كنت شارك بهالقسم بس شو بدنا نعمل .... خافة الحركة بباقي الاقسام ، بتعرف انت مدارس و جامعات و رمضان و بيئة جديدة ... يعني

المهم بيسرني اني شاركك بالثقافة العامة الضئيلة يللي عندي

هل عندكم في المسيحية تستطيع أن تقول لي كيف وصل لك كتابك المقدس؟؟؟؟؟؟؟؟

بالكتابة حبيب ... باختراع اسمو الكتابة
يقال انو انكتب 400 انجيل بيتحدث عن حياة المسيح على الارض و بالمجمع المسكوني الرابع تم اختيار كتب الكتاب المقدس على اساس انها اكتر الكتب وثوقا انو انكتبت بوحي من الروح القدس، بعضها رفض لاخطاء كبيرة و واضحة موجودة فيه و بعضها الآخر رفض لأنو كان بيحكي عن جزء بسيط من حياة المسيح على الارض و ما بيغني الموضوع،

المهم انو تم هالموضوع كتابة .... بالطريقة الراقية المتبعة عند الشعوب الراقية يللي كانت ساكنة بلاد الشام و اليونان
مو بطرق مستوحاة من شعوب بدوية متل التواتر

من هم الكتبة الذين دونه في كل حقبه من حقب الزمن منذ أن كتب أول مرة؟؟؟؟؟

يظهر انو مختلطة بعض المفاهيم عندك ... رح وضحلك ياها
جيب ورقة صغيرة بيضا و قلم و اكتب بالقلم ع هالورقة و حطها بالدرج و انساها شهر
كن على ثقة انك رح ترجع تلاقي المكتوب بالورقة متل ما هوي بدون اي تغيير
قصدي انو لما بيكون في "كتبة " كتبوا شي معين ... ما في داعي انو ينكتب تاني و تالت و عاشر مرة... لأنو المكتوب بيبقى محفوظ طالما المادة يللي انكتب عليها بقيت سليمة لدرجة مناسبة ( و المتل بيقول المكتوب ما منو مهروب.... عم امزح )
ممكن يكون في نسخ للمادة المكتوبة و الهدف منها اني احتفظ بنسخة عن المادة و ليس الهدف اني "احفظ " المادة المكتوبة

اما بخصوص من هم الكتبة ... بصراحة ماني متأكد من الجواب تماما ...
بس انو بدي اسألك سؤال و هوي سؤالي الاساسي يللي لهلأ ما حدا جاوبني عليه

ازا قلتلك : قال الشاعر ... و ما نيل المطالب بالتمني = و لكن تؤخذ الدنيا غلابا
او اجيت قلتلك : قال أمير الشعراء احمد باشا شوقي ( مصري الجنسية عاش بالقرن العشرين)
و ما نيل المطالب بالتمني = و لكن تؤخذ الدنيا غلابا
بيختلف المعنى برأيك ؟؟؟ يعني بتنقص قيمتو للبيت الشعري ازا ما ذكرنا القائل ؟؟

يا اخي نحنا شو بدنا بالناطور ؟؟؟ ستين طز بالناطور ... بدنا العنبات

تستطيع أن تثبت أن كل من كتبوه من الثقات أم أحدا منهم تلاعب بالمحتوى عن قصد أو عن دون قصد؟؟؟؟؟؟؟؟؟

اولا التلاعب او التحريف عن قصد
ازا قريت العهد القديم رح تلاقي كتير قصص مزعجة فعلا ... متل قصة نوح و حام، او قصة يعقوب و سرقتو للبركة ، او اسحق و تدليسو باخد الغنمات من خالو، او لوط و بناتو، او ابراهيم و سارة و ابنو ن او حتى الملك داوود و احد جنودو الاوفياء كيف بعتو ليموت لحتى يتجوز مرتو ... بتلاحظ في فظاظة و وحشية ... طيب هاد يللي حرف الكتاب المقدس حسب زعمك ... انو ما كان شلبن هالقصص شوي برأيك ؟؟؟ يعني على سبيل المثال لا الحصر كان حرف قصة يعقوب و سرقتو للبركة بالتأمر مع امو من اخوه عيسو و عمل القصة انو والله عيسو مات مثلا او انعطب او او ... الخ

طيب ليش برأيك هيك قصة بقيت ؟؟ و خصوصي انو بتلاقي نقلة نوعية بين فظاعة و وحشية العهد القديم و وداعة و تسامح و محبة العهد الجديد، يعني هيك تحريف كان رح يجيب نتائج عظيمة تماما

سؤال تاني ...
ازا هيك قصص وحشية و فظيعة ما تم تحريفها ... شو يللي تم تحريفو ؟؟؟ و ليش ؟؟؟
و الاهم من ليش هوي ايمت ؟؟ و كتير ضروري تزكرلي الحقبة يللي تم فيها تحريف العهد القديم و العهد الجديد لسبب ... لأنو نحنا عم نتناقش على اساس اننا عاقلين و كبار ... مو ولاد زغار و كنا عم نلعب قمنا تخانقنا .... و ما بيصير تتهم الكتاب المقدس بالتحريف هيك من الله بدون دلائل .. هالحكي مرفوض
شو رأيك اجي قلك انو و الله يللي اوحى لمحمد قرآنو كان ابليس مو جبريل بدون دلائل و اتمسك بهالتهمة ؟؟؟

تانيا التلاعب و التحريف بدون قصد ...

أما نحن فكل حرف في كتاب الله العزيز القرآن محفوظ من أي هفوة خطأ لأن كل حرف وكل حركة وكل سكنة في هذا الكتاب معلوم من رواها ومن كتبها ومن قرأها منذ أن نزل من الله على نبينا محمد صلى الله عليه وسلم وحتى يومنا هذا
ومعلوم لكل راوي من هؤلاء الرواة مدى الثقة فيه ومدى حفظه

يعني انو يتم التحريف بطريق الخطأ ... هاد الشي ممكن يصير بحالة انو الكتاب المقدس انتقل بالتواتر و قيل عن قال ... بس كتير صعب يصير لما يكون انتقل كتابة
و مع ذلك ... موضوعنا هوي انو لو كان في سند ما كان في تحريف
طيب ...
ازا قامت احد مجلات الفضائح الاميركية الغير مشهور بنشر خبر عن هبوط صحن فضائي طائر و كان الخبر صحيح
هل يصبح الخبر غير صحيح لأنو اوردتو مجلة غير مشهورة ؟؟؟ بالتأكيد لأ

طيب ازا هالخبر نشرتو جريدة محترمة متل النيويورك تايمز و كان خبر كازب ... هل يصبح صحيح لأنو نشرتو جهة محترمة ؟؟؟ كمان لأ

نفس الشي بالنسبة للحفظة مدري الرواة مدري شو اسمهم تبعك... حتى لو كانوا اشرف الناس و اصدقهم ... و كان القرآن بالاساس غير موحى من عند الله فشرفهم و صدقهم ما بيأثر ابدا بمصداقية وحي الله لمحمد

و بالتالي ما رح يأثروا بمصداقية اي كتاب ... لذلك هالدليل هاد ما مهم ابدا

وأنت تستهزئ من الحفظ والحفظة

ليك حبيب ازا بتطلع لفوق شوي بهالقسم بتلاقي موضوع مثبت فيو نسخة الكترونية للقرآن
يعني ببساطة هاد يللي عم يضيع وقتو و يحفظ رح جيب نفس النتيجة يللي بيعطيك ياها بكبسة زر
بقا ليش عم تتعب حالك و تضيع وقتك بشغلة الحفظ ؟؟؟

أتحداك أن تفعل هذا أنت أو بابا الفاتيكان أو أعلى جهة كنسية مسيحية

للمرة الثانية أتحداك أن تأتي لي بأكبر قساوستكم أو بأصغر أطفالكم أو بأقوى شبابكم حفظا أن يأتي ويقول أنه حفظ الكتاب المقدس أو حتى الإنجيل

عادة موضوع التحدي ما بشيلو من ارضو
بس هالمرة استثناء
معلش بصراحة هاد الحكي يللي عم تقولو اكبر منك ... و بكتير
يعني على مقياس انو نعتبر هالحكي فيل ... انت بتطلع نملة قدامو

ما قصدي التجريح او التهكم بس كان قصدي عبرلك عن مدى الفارق بينك و بين حكيك

و بتمنى قبل ما تعمل عنتر انك تجاوب على اسئلتي يللي كتبتها بمشاركة سابقة و بهي المشاركة .... يعني نوع من عربون الثقة بتحديك و انك قدو ... و بعدها بعود بفكر ازا انت اهل لانك تتحدى او لأ

و دمتم