مرحبا اخواتي
بالنسبة لسؤال الزعيم طارق ... مطولين و نص
و انت ليش ع تسأل ؟؟ شو عندك رانديفو و تأخرت ؟؟ روح مين ماسكك ؟؟
بالنسبة لسؤال توت
مع انك مخالف القوانين و هيك بس رح نمرقها هالمرة بس
الهدف هوي الاستفادة و التسلية مو التعجيز ... فبتمنى انو تحطوا احتمالات
اصل تسمية سوريا
في 3 نظريات مختلفين عليها علماء التاريخ و الاثار
النظرية الاقوى او اكتر وحدة مقبولة بتقول انو سوريا تسمت هيك نسبة لآشور
و الاشوريين هنن سكان شمال العراق و معنا الكلمة سكان الجبال و تسمت سوريا ( آثوريا ) نسبة لالهم لأنو هنن يللي وحدوها و حكموها فترة طويلة
النظرية التانية بتقول انو تسمت هيك نسبة لمدينة صور لأنو وصلت اساطيلها لمصب الامازون غربا و لاستراليا شرقا و كانوا لما يسألوا التجار " الصوريين " من وين انتوا ؟ بيقولولهم من " صور" و هيك صار العالم يقول عن كل هالمنطقة "صوريا" و هيك ...
هلا النظريتين يللي فوق محطوطين على اساس تسمية يونانية
في نظرية جديدة بتقول انو يللي سما سوريا بهالاسم هنن الهنود ... لأنو الهنود بيقولوا عن هي البلاد بلاد " سير " و سير هيي الشمس بالسنسكريتي مشان هيك صار اسمها " سيريا " و تعربت بعدين و صار اسمها " سوريا"
بالنسبة لسبب تسمية فلسطين
تسمت هيك نسبة للشعب " البلستي " يللي هاجر من جزيرة كريت و سكن جنوب سوريا و تسمت المنطقة باسم الشعب و صار اسمها فلسطين
و دمتم
عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..
سوريا الله حاميا
jesus i trust in you