[الأخت هبة]

هلأ ما حدا قال أنو الملحدين أنو عبدة شيطان ؟؟؟؟ ما حدا جاب هالسيرة ... أنتو ألكن أفكاركن ... اصطفلو ما حدا ضاربكن ع إيدكن وقلكن أنو ما تفكرو هيك بس النقاش لازم يكون بالعقل متل ما بتدعو أنتو ... بس سؤال هيك ع السريع .. أنتو بتشوفو الهوا شي؟؟؟؟؟؟ طبعا لأ ما حدا بيقدر يشوف الهوا بس هيدا ما بيعني أنو مانو موجود صح ولا لأ ؟؟؟؟ بس صحي نحنا ما فينا نشوف الهوا بس فينا نشوف تأثيراتو .. فيك تشوف كيف بيحرك الشجر وفيك تشوف كيف لما بتكون قاعد بتجي نسمة باردة وبتبورد بعد ما تكون مشوب ... نفس الشي الله .. بس الله لأنو بيحبنا فرجانا حالو بوجود المسيح معنا ... وأنو هوي قديش بيحبنا ... قديش حلو أنك تعرف أنو مهما انظلمت بالدنيي في حدا رح ياخدلك حقك بالأخير؟؟؟ قديش حلو لما بتعرف أنو لو كل العالم كرهتك في حدا بيحبك وبيتم معك لو كنت لحالك ... قديش حلو لو كل الناس تركوك وما عاد تقدر توثق بحدا فين أنك تقدر تلقي همومك ع حدا بتعرف أنو ما رح يأزيك وبيخلي بابو مفتوح إلك ع طول .... كل هالشي بيتحقق لما بتآمن بوجود هالقوة العظيمة اللي قادرة تعمل كل شي بالعدل وبدون ما تظلم حدا ولو شي سيء صار للإنسان هيدا بيكون بسببو بسبب خطيئتو وظلمو لحالو ... ومع هيك الله فاتح بابو و إيمتى ما حبيت بتقدر تجي وتشكيلو همك ورح يساعدك ... بالنسبة إلي أنا كتير مبسوطة أنو في قوة كبيرة قادرة أنا تساعدني بكل شي بحياتي وتحبني لهالدرجة اللي بيحبني فيها الله ... يعني أنت بتقدر تنفي أو تنكر وجود المسيح وعذاباتو اللي تعرضلا ؟؟؟؟؟ لو الله مو موجود وكان المسيح إنسان عادي متلو متلنا ما كان تحمل كل هالعذاب ... صح ولا لأ ؟؟؟؟ وما كان تمسك بحكيو كل هالوقت ... وهيدا شي ما حدا بيقدر ينكرو لأنو التاريخ كتبو وكل المؤرخين اتفقو عليه ... يا ريت لو بدك تفكر بالعقل متل ما عم بتقول تفكر بالحكي كلو اللي انقال ... وأكيد الله ما رح يدلك غير ع الطريق الصح ...