اقتباس:
|
فما بستغرب منكن اذا بعد كم سنة صرتو تقنعو البشر بأمور تتعارض مع موقفكن الحالي نظراً لكونكم براغماتيين .
|
صدقني ما عم حاول اقنعك ..لانوقناعتك عم يتحكم فيها عقلك وبس ...والعقل مش كل شي بالانسان بنظري ووقت اللي كنت بفترة المراهقة ما عملت حالي ملحد..منشان تنعجب فيي بنت معينة انا انسان متلي متل غيري تساءلت عن وجود الله وشو بيعنيلي هالوجود..وما حدا جبرني ع هالافكار انا وبحريتي اخترت متل ما انت بحريتك اخترت...انا ما بعرف شو يعني برغماتيين بعرف شغلة واحدة اني انسان متل متلك وحابب اني كون مرتاح دائما" بحياتي واتخلص من القلق اللي بيعيشوا كل واحد مننا ..وما بعتقد ابدا" انو عقلي لحالو ومعرفتي رح تخلصني من هالقلق..وما بعتقد أبدا" كمان انو ع مر السنين في ناس ماتو وضحو بحياتهم منشان يشهدو لالله اللي هوي المسيح بأعمال المحبة والرحمة حتى يوصلولنا هالشهادة كانوأغبياء ومش مشغلين عقلهم ...الفكر والعقل لحالو ما وصلني لشي يا اخي..... الشي اللي بدي اياه انا...... انا برفض اني موت وما بعتقد ابدا" انو اللي خلقني كان اناني حتى اجي ع هالدني اركض اركض وآخر شي طب وموت ...اذا اجيت عالدني ومش عارف من وين شو يعني ؟؟؟ مين كون المادة ...مين عمل هالنظام الكوني اللي نحنا عايشين فيه واللي ممكن يكون في غيرو؟؟؟
اقتباس:
|
( يعني الله موجود اذا عجبك عجبك و اذا ما عجبك دق راسك بالحيط ) فما رح قلكن غير يا حرام ....يا حرام شو عم يصير معكن
|
برجع وبقللك لانك خليقتو وعلى صورتو (اعطاك الحرية)رح يضل يحترم رأيك وشو ماقلت عنو رح يضل يحبك...
نحوك عيني ...فامنحني القوة .... واعطني الايمان...