[نيقولا]

دايماً متألق يا طارق

والله يا أبو طريق هالمصيبة ما في إلها حل مبين , اللهم إلا الحل اللي بالي بالك واللي الله يستر منو وان شالله ما نوصلّو
يعني من كام سنة وين كنا وهلق شو صار فينا .. متل الفرق بين الأرض والسما .. بس الخطاب هوّي هوّي والشجب والتنديد هوّي هوّي والحال لورا ورا هيّي هيّي ...
بلا حرس قديم بلا حرس جديد , الوجوه بيجوز اختلفت بس العقول المسطحة ما تغيرت , وكل واحد جديد بيفوت أول شي يعمل دورة مكثفة لتسطيح الدماغ وبعدها بيحطوه بالمحل اللي ما بيلبقلو منشان إذا في بعد عندو ذرة مخ يقصفولها عمرا ويريحوه ..
عم نسمع أشكال وألوان عن البلد وشو عم يصير جوا وشو عم يطبخولها برا وكل يوم بيقشعر بدنو الواحد عشرين مرة لأنو كل يوم بتشوف طبول الحرب صارت اقوى والطبخة طلعت ريحتها عالآخر .. بتروح بتشوف شو عم يحكوا عنا بتلاقي نفس القصائد الجوفاء " مؤامرة للنيل من صمودنا " أو " هاتوا دليل " أو ... لك من شان القرود هلق أميركا من أيمتا مستناية الدليل .. لأ والأنكى من هيك انو منقول ما راح يقربوا صوبنا بعد ما صار فيهن اللي صار بالعراق ! ليش شو صاير عليهن بالعراق ؟ بس المشكلة انو اميركا تعلمت من اخطائها بالعراق واستفادت من كل درس .. الوحيد اللي ما عم يتعلم هوي جماعتنا . بكرة بيطالع " ميليتس " تقريرو ومنطلع خر ***** ومو دريانين ( على حالنا طبعاً ) وبعدها حصار اقتصادي بينعش الليرة وبينزل الأسعار وبيزيد فرص العمل قبل وبعد الضهر , وكام شهر بعدهن منلاقي حالنا بخبر كان ..
بس مين قال انو اللي جايي راح يكون أحسن من يلي هلق موجود .. يا ريت , بس مستحيل وراح نرجع نقول " الله يرحم هالأيام " . وبكرة بتقولوا بعد ما تشوفوا .. ويا ريت من كل قلبي الله يكذبني بهالشي