[aboziad]

هل الله موجــــــــــود؟


هل صحيح أن الدين هو أفيون الشعوب وأنه لا وجود لله، وما دور الدين في الحياة العملية؟

ما في اي علاقة بين كون الدين افيون الشعوب وبين وجود الله من عدمه يعني ماركس وقت قالو ما كان فطنان بالله من اصلو وكان عم يحكي عن ممارسات رجال الدين

ويتابع الدكتور الرافعي قوله، إن أصل الفلسفة الإلحادية مبني على المادة،

الفلسفة الالحادية اللي عم يحكي عنا الدكتور (عفوا) مصطفى الرافعي اسمها الفلسفة المادية و هي مختلفة بشكل جذري عن الماركسية او حتى الماركسية اللينينية اللي اسمها الفلسفة الاشتراكية العلمية و الاشتراكية العلمية اقرب للعلم منها للفلسفة لانو بتملك قوانين وثوابت ومتغيرات
ولها قسم يسمى بالالحاد العلمي . وما بالضرورة ابدا يكون الملحد اشتراكي او حتى تقدمي ولا ان يكون الشيوعي ملحد .
اما بالنسبة لحديث الرافعي فهو دليل على الفكر العربي السلفي السائد حاليا وبخاصة في صفة انتحال الاقوال على لسان الغير.

من الطبيعي و الواضح من طبيعة مدمري الحضارات هذا النسل الذي لا يعترف بانسانية البشر ولا ببشر على وجه الارض غيره والباقي من نسل بهائمي (اقرأ الكشف عن تلمود اليهود)

كتير تعجبت لما سمعت هالكلام من شخص من المفترض انو مسيحي وما بيكره حدا...كيف اذا بيكره مجموعة بشرية كاملة ومؤمنة بنفس الرب

الالحاد هو أفيون الشعوب لان الملحدين هم اكثر الناس قلق وشدة ارتياب ووهم بانهم اذا انكروا الله هم احرار ولا شيء له سلطان عليهم ولا وحتى وصاياه

الملحد الحقيقي لديه اعلى سلطة في الوجود وهي سلطة الضمير الحي الذي يمنعه عن الشر ويحرضه على الخير لانه يعرف عواقب كل تصرف على الصعيد العام كما انه يؤمن بالنظام ولا يكره غير ه من البشر لمجرد اختلاف في العقيدة
والمعذرة اخت حنان فلا اعتقد انك تستطيعين الحديث نيابة عن اي ملحد وانت لا تعلمين عنهم شيئا
اما المؤمن فقد فوض له بعض رجيلات (تصغير رجال) الدين ارتكاب المعصية ومن ثم الحج او اللجوء الى الرموز ومن ثم نيل المغفرة

الله ليس موجود ....الله كائن والمصدر هو الكتاب المقدس ..ياريت انت كمان تقرى شوي ...وتسأل شو معناة كائن...

الغول ليس موجود ... الغول اسطورة والمصدر كتاب هانز كريستيان اندرسن لحكايات الاطفال والكائن هو كل جسم يمتلك القدرة على الحركة او التواصل اوالتكاثر ... او عدة من هذه الصفات معا

يا حرام مانك قريان شو كان صاير بروسيا...من عدا ما تقرا ...هون بالامارات عندي رفقات...من روسيا والدول اللي كانت محتليتها روسيا...على أيام ما يسمى بالاتحاد السوفييتي....ياريت فيني قعدك مع شي واحد منهم ومني بيحكولك شو كانت عاملة فيهم الشيوعية والشيوعيين

فعلا يا حرام ...وقت كان في اتحاد سوفياتي وين كانوا رفقاتك وليش هلق بالامارات وشو عم يساووا هنيك .. بجوز تقولي انو كانت الحكومة مانعتن ...بركي كانت الحكومة السوفييتية خيفانة على شرف بنات روسيا اكتر من الكنيسة الاورثوذكسية الحالية..
انا طبعا ما قصدي الاساءة بس اذا ممكن تسالي رفقاتك ليش لما طرح حل الاتحاد السوفييتي للتصويت جاوبوا 200 مليون واحد من نفس الشعب العنيد اللي انكسر بلاء مع انو الانتخابات كانت تحت اشراف الولايات المتحدة .. ومع هالشي ما علينا حلوه وانتها الامر

فان قلنا انه ليس وجود للاحلام فنحن مهما فعلنا لن نقدر على نفي وجود الاحلام وحقيقة وجودها


بدي اسألك ليش ما علقت عاهي النقطة....

الاحلام موجودة وكذلك الله وكلاهما في الذهن البشري وحشت نشت جاوب عن هالنقطة وكتر كمان

واضح جدا أنو ماعنك أي معرفة على جذور أي فكر ,موانت قلت أصلو يهودي ,نصيحة لما بدك تتبنى افكار حدا أقرأ منيح عن جذوره ,وقت بدك تتبنى عقيدة أو حركة نفس الشي ابحث عن اهدافها ونتائجها , وانا رأي اقرا منيح عن تلمود اليهود بتفهم منيح جذور الماركسية والشيوعية
وحفيدتهم الماسونية.

انا مرة قريت بالانجيل انو المسيح يهودي ومريم كانت يهودية ويوسف النجار ونص الرسل اذا ما اكتر
يحرق اخت الماسونيين شو صايرين ملاعين يا عمي

نحن نؤمن بوجود الله وبمحبته ,وعندك الكتاب المقدس وعندك التاريخ البشري ,ملي معرفتك فيهن

الايمان يعرف بانه تكذيب الانسان لعقله وحواسه وتكذيب المنطق وتصديق ما قاله شخص اخر دون اخضاع هذا المصدق للتحليل او التدقيق

قال يسوع" لايقدر احد ان يخدم سيدين.لانه اما ان يبغض الواحد ويحب الآخر او يلازم الواحد ويحتقر الآخر.لا تقدرون ان تخدموا الله والمال."
وهذا يدل على أن افكار ماركس هي أفكار وجدت لاسباب لحظية بسبب الظروف المحيطة به وليس لها أي علاقة بالحقائق الكبرى للوجود وليست قادرة على نفي الحقيقة الازلية مقابل الاشياء الزائلة ولم تزيد الافكار الماركسية والشيوعية وأعمالها سوى البؤس والقتل والدمار النفسي والكينوني للانسان ولانسانيته ولحريته وللبشرية جمعاء (وزادت الطين بلة)

انتي اعترفتي بلسانك انو الطين كان مبلول وباكدلك انو مبلول بدماء الابرياء الي ماتوا على مذبح الدين
والتقدميين بالعالم بيحلموا وبيسعوا انو بجف هالطين مشان يستعمل بالبناء وليس بالتخريب

اما عني فانا لا احب ان اخدم اي سيد وكل البشر اخوتي وكلنا محكومون بالضمير نفسه.

الله رايتو راية محبة وسلام وكل ما عدا ذلك ليس من الله...

حبيت انهي بهالاقتباس بس لذكر القارئ المتمعن انو :

راية الله التي ذكرت هنا هي ذات الراية التي بررت غزوات الصليبيين و غزوات المسلمين الاغتصابية وكذلك سوغت لليهود احتلال
فلسطين وبكوسوفو وبالعراق وب .. وب... يعني وما حكينا الا عالحروب الكبرى ولسى مئات الوف الحوادث الصغيرة من اغتصاب وانتهاك وتحريم وتحليل كل هاد باسم الاب واسم الله

ما زاد ضرره على نفعه فقد انتفت الحاجة اليه .واذا كان كل ما عدا ذلك ليس من الله فانا مع كل ما عدا ذلك
يعني وين كان الله وقت كانوا عم يخطئوا باسموا ..
عذرا والسلام