دفعة جديدة :
سألوا واحد جلق ليش جاي عل الغدا قلون ما حدا قلي إني ماني معزوم
خمس حماصنة شكلو عصابة سموها الشجعان الثلاثة
واحد من كتر ما (سائت حالتو ) طالعلا شهادة سواقة
حمصي كان قاعد قدام دكانو إجا لعندو واحد وقلو لحق حالك مرتك عم تخونك بالغابة قام راح ركد ورجع بعد شو ي عم يضحك وقلو للزلمة هلق شجرتين عملتلي ياهن غابة
إتنين تنابل لعبو شطرنج عضلو إيديهن
اتنين تنابل لعبو شطرنج مات الملك فقع
واحد نحيف عمل ريجيم قام إختفا
2 حماصنة ماشيين بلندن شافو باص طابقين قالو العما شو ها الحادث باصين طالعين فوق بعض
تاني يوم ركبو فيهن واحد أول طابق والتاني فوق بعد شوي قال اللي تحت لرفيقو نحنا وصلنا عالمحطة إنتو وين قلو نحنا لسا ما إجا الشوفير لعنا
عيلة الطرشان
قال الصغير لأبو بابا بدي خيار
قلا الرجال لمرتو ابنك عم يقلي حمار
قالتلو شو ابنك عم يلعب قمار
قالتلا هالحكي لبنتا قامت زعقت وقالت بدكن تجوزوني لختيار
وقالتلو لأخوا اهلك بدن بجوزوني لختيار
قلا شو أهلك بدن يقلعوني من الدار
وقلو لأخو الصغير أبوك بدو بقلعني من الدار
قام نط الولد الصغير وقال هي هي بابا جبلي خيار
حمصي كتب على باب دكانو نفتح ليلا نهارا فقط ويوجد ثلج بارد جدا
حمصي حطوه بصف لحالو طلع التاني
ليش الحماصنة زرعو فليفلة حول حمص
منشان يحطو (حد )للنكت اللي عم تطلع عليهن
مستشرق راح على حمص رجع مستغرب
ليش الحمصي بس يتقاتل مع مرتو بيحمل آلة حاسبة ليحسب الله ما خلقا
حمصيين عما يحكو قلو الأول للتاني بتعرف أنا بس أشرب قهوة ما بعود أقدر نام
قلو رفيقو أنا عكسك تمام بس نام ما بعود بقدر أشرب قهوة
مرة سمكة حمصية غرقت
إذا قطعنا أدان أرنب شو بيطلع ..... .............................بيطلع د م
أخطبوط صغير راح لعند أمو عم يبكي سألتو شبك قلا مو عارف إيدي من رجلي