اني ارى رؤوسا يانعة حان وقت قطافها
او شي من هالحكي
احسن شي تعملو حملة عسكرية تقضو على المعارضة كلياتها واللي بيحكي كلمة عالحبس
بالطبع لازم تعملو قسم جديد اسمو سجن المنتدى
والمعارض بيتعذب لحتى يبطل المعارضة تبعتو
هيك بصير المنتدى مافي احلا منو
المهم خلينا بالحكي الجد
تسكر حوار الاديان
اللي كان فيه كل اللعي الفاضي
خليكون هالكام نهار بالمنتدى اذا شفتو اسائة من عضو على دين ساعتها طرقوه مسبة وهربو
بعدين شي طبيعي وقت بكون في حوار بين الاديان رح يتعصب الشخص لدينو
ممكن انا اكتب موضوع ما شوف فيه اسائة للدين التاني
مثلا انا مسيحي كتبت موضوع بالنادي عن الدين الاسلامي ( ما كتبت والله مثال بس) طبعا ما رح شوف فيه اساءاة للدين الاسلامي
بس المسلم رح يشوف فيه اساءاة لان فيه شي ضد دينو
بقوم برد على المسيحي برد في تجريح اكتر من الموضوع
بقوم المسيحي برد بلسى اكتر
وهيك ببلشو ببعضهون :P
والعكس صحيح كمان
فالمهم يعني الموضوع ببلش صغير وبصير كبير
مشان هيك صار في حساسية بين الاديان
انا بطلت اخر فترة ادخل عالنادي لان فعلا حسيت بالحساسية اللي صارت
وهلق اتسكر يعني الكل ارتاح وريح
والاسلام على العين والراس والكون الصدر والنا العتبة
والحياة حلوة بس نفهمها