حبيبي أذا ممكن الرسائل الخاصة ما بتهمني أنا ما في شي مخبى عندي
أنا بيهمني أنو نتناقش بمنطق و بعيد عن المسخرات ومو بس أنت المعني المعني هوي كل اللي أيدوك ع حكيك وأنا متأكد أنك عم تحكي نيابة عن الأدارة والمشرفين كلون
أولا الحكي اللي أنت حاكيه بالبريد هوي التالي
اقتباس:
شيلوا المزح مع جنب ....
بخصوص اطرميز و حنان
كعضو بالمنصة ما بقدر احكي شي لأنو الباشا و السنيورة المشرفين ما خبرونا شي غير خبر طج غم باي باي مع السلامة
ما شرحوا شي
ما عطونا فرصة نناقشهم بقراراتكم
و ما عرفت الاصة غير من برات الاخوية بأقنية فرعية متل الماسنجر و الموبايل و هيك اشيا .,.....
بقا " ذوقا " مو من حقي اني احكي بهالخصوص ع العام
بس بحب احكي كلمة بشكل عام و مو قاصد حدا فيها ( هيك، اجا ع بالي احكي )
مين هنن ولاد الاخوية :
مو كل واحد كتبلو اسم خلبي مع باسوورد خلبي مع ايميل خلبي مع كم معلومة يمكن صح يمكن غلط صار ابن الاخوية
مو كل واحد شاف مشكلة او حتى مليون مشكلة عم تعاني منها الاخوية صار يولول بيكون ابن الاخوية
و لا حتى كل واحد انشالله عندو مليون مشاركة هوي ابن الاخوية .....
ابن الاخوية هوي يللي حط براسو ما يتركها غير آخر واحد ... او لاسباب خارجة عن الاخوية متل انو ما يعود فاضي او يسافر او يعطفوه المخابرات ( يزكرك بالخير يا طارق ) او ، او ، .... الخ
ابن الاخوية هوي يللي شاف انو الاخوية فيها مشاكل قام ساهم بحل المشكلة
مو يللي زاد المشاكل مشاكل
و لمعلومات الكل هي مو اول و لا اخر مشكلة بتصير او رح بتصير بالاخوية
كتير مشاكل صارت و بقيت الاخوية
كتير عالم تركوا كنا مفكرين الاخوية بلاهم ما بتسوا فرنك و بقيت الاخوية
حكيت يللي حكيتو لأني مزعوج كتير
تحياتي لكل ولاد الاخوية
و دمتم
|
ع فكرة هاي أول مرة بستخدم تقنية النسخ واللصق (( بتتميز فيها صراع الحيوان )) بس هون أنا فهمان شو القصة تمام
بالنسبة لولاد الأخوية
أذا مو هنه اللي وقفو ضد الأوباش اللي بيتطاولو ع المحرمات و ع الأخلاق مين بدو يوقف ؟!! وبهالحالة ما بيكونو عم يولولو هاد المصطلح غريب و ما بعرف شلون طلع معكون !!!!!!!!!!
بالنسبة لعدد المشاركات هي بترجع لنوعية المشاركات وكل واحد من أولاد الأخوية (( عم قول أولاد لأنو ما حدا بيقرر هالشي )) هوي بيحط المشاركات حسب شخصيتو وحسب معرفتو و بالنهاية لشو المنتدى غير أنو نتبادل فيه المعلومات والخبرات والمعارف .... ألا أذا بدكون بالفعل تقلبو لمعارك أذا بدكون فنحن لها also و مافي حدا بيتميز عن حدا ...
مشان اللي بدو يترك الأخوية : هون أنا حبيت أترك الأخوية لأنو هاد عبارة عن تراكم أيام لأنو من أول ما دخلت المنتدى وأنا متزاول من القسم المسمى (( حوار الأديان )) فقررت بعد ما شفت أنو مافي حدا حابب هالقسم وأنو الناس ضايجة منو أسلام ومسيحية بدون تمييز و هالقسم عم ينغص علينا حياتنا بعناوينو و بمواضيعو ....
بس أنتو قررتوا تسكروا القسم مباشرة أنا رجعت وحطيت هالشكر اللي هوي هالموضوع و قدرت هالشي ومشكورين وليك الشباب كلون انبسطوا ولا لشو مفتوح هالمنتدى ؟!! مو منشان الشباب ينبسطو و يتعلموا ويتثقفوا ويتبادلو المعلومات ...
مباشرة طلع واحد بالبريد تبع المنتدى متل ما شفتو (( اللي ما بيتسمى )) و حط موضوع متل عادتو وسخ وقذر متلو
أنا ما عاد أقدر أتحمل ف وصفتو بمواصفاتو الحقيقية و بتوقع ما لازم تزعلو من هالشي .... لأنو ما حدا بيزعل من الحقيقة
أنتو حذفتولو عضويتو مشكورين بس هاد لا يكفي المفروض ما تفرطوا بالأعضاء الباقيين و تعملوون كأنون لم يكونو متل ما مكتوب أنو الأخوية أذا تركوها أعضائها بتسوى ولا ما بتسوى ... هاد الكلام عيب وألا منترككون أنتو المشرفين و الأدارة تتهنو بالمنتدى .... القصة مانا قصة طبقية و ماني عارف شو ولا قصة سيطرة و لا قصة مجاكرة ولعب ولاد زغار
وتخلف
الشباب عم يعبروا عن آرائهون وأفكارون لأنو بيملكوا عقول و عواطف وأحاسيس و مشاعر .... أي الأخوية ما بتسوى شي من دونن ... ولا فرنك مصدي أو بالأحرى ولا عزقة مصدية ....
وبالأخير أنت يا كريمبو كاتب أنك مزعوج ... طيب مزعوج من شو ؟ !! اللي زاعجك هوي نفسو اللي زاعج الشباب أكيد
وغير هيك هاد رايي
كل واحد ألو رأي تاني حر فيه
وهي أول مرة بكتب جريدة .... انبسطوا راسي صار يوجعني