اقتباس:
كاتب النص الأصلي : sona78
وكان نتعا انو هاجرت قبائللمنطقة بلاد الشام ( غير المسكونة!! )
واجا استقرارهون بعدة مناطق وتمت تسميتهون بعدة اسماء
هلق السؤال هالحكي صحيح ولا لا ؟؟
يعني اذا كان فعلا الاصل الحقيقي لسكان سورية والعراق الجزيرة العربية ..... يعني من قبل كانت هالمنطقة غير مسكونة فممكن يكون فعلا انو في اصل عربي للمسيحية .. وانو اهل النمطقة بتعود جذورهم للعرب
واذا كان مثبت تاريخيا غير هيك فوقتها الموضوع محتلف جدا
|
ما بعتقد انك عم تستني جواب لهلسؤال مو هيك ؟
كمثال بسيط .. اوغاريت .. ثقافة كانت قبل ميلاد المسيح بـ بآلاف السنين ما كانت بتمد للفكر العربي واللغة العربية بصلة ، والأمثلة لا تعد ولا تحصى على انه المنطقة كانت مأهولة بالسكان
اثبات وجود سكان بسوريا في التاريخ القديم متل أثبات اني اذا نطيت من راس البناية ممكن انزل لتحت واوقع علأرض بدال ما كمل طريقي بطلوع
واكتر الكتب اللي بتأيد فكرة "سوريا دولة عربية " بتلاقيها أول شي عم تحكي على كيف الأجداد الفينيقيين برعوا بالملاحة وصناعة الأرجوان وكيف انه الكنعانيين اشتهروا بصناعة الفخار وبالزراعة وكيف اشتهر الآشوريين بالرسم الهندسي والصيد.. يعني الجماعة عندن أمانة تاريخية بس المشكلة أنن بالنهاية بيعتبروا كل هلجماعات هدول .. عرب !
التطبيع العربي هاد مو بس صاير بسوريا .. صاير بكل البلاد اللي بتدعي اليوم انها عربية
ولسخافة القدر صار السوداني صاحب البشرة السمراء متوافق تماماً مع السوري اللي بتختلف تقاسيم وجه وبتختلف كل ثقافته وتاريخه ! الكل مذاب بنفس البوتقة والكل هابلها وماشي وهيه هيه انا عربي !!
اقتباس:
كاتب النص الأصلي : Dndoshy
كان في هجرات لقبائل من شبه الجزيرة من قبل بسبب قلّة المراعي.....بس ببدء الدعوة الإسلامية صارت الغزوات وعلى اثرها صار في عدد كبير من الهجرات
|
قديه بتتخيل عدد القبائل العربية اللي هاجرت لبلاد الشام ؟ مية ميتين ؟ ما بتخيل رح تكون عددياً أكتر من تعداد السكان اللي عاشوا بسوريا
حتى انه وسائل النقل القديمة ( السيارة مخترعة من عام 1892م اذا ماني غلطان يعني اختراع حديث جدا جزيلا ) ما كانت بتستحمل تحميلها فكرة نقل الأعداد الكبيرة من العالم
يعني ما بتخيل في اي احتمال بولا شكل من الأشكال انه يكون اللي هاجروا من الجزيرة أكثر عدديا من العالم اللي عاشوا بالمنطقة
القصة بما فيها أنه اللي كانوا ولازالوا عايشين بسوريا هنن السوريين ( يمكن السوريين بحد ذاتها كلمة موضع خلاف وبدها مليون سطر لتشرحها وتفسرها .. بس علأقل واضح انها بتختلف عن كلمة "العرب" ) الفرق انه السوري الحالي فكرياً بيعتبر انتماءه للقومية العربية وأنه حفيد للأجداد العرب ..
تماما متل ما حاليا المصري بيعتبر نفسه أبن للعروبة والصومالي نفس الحكي واللي ساكن بجز الكومور ماشي على نفس الخط .
المشكلة الكبيرة بهلقصة مو "بالاحتلال" العربي أو الفتوحات الاسلامية أو التطبيع أو بأنا صاحب الأرض وانت الدخيل ولا باللغة العربية والتاريخ العربي حتى
خسارتنا هية هويتنا كشعب عاش بهلمنطقة وصرنا منسوبين ومشمولين ضمن الفكر العربي اللي تاريخيا يقال انه نشأ في البادية العربية ( شبه الجزيرة ) وبعتقد أنها مو بس خسارة .. جريمة بحق التاريخ وبحقنا كسوريين اننا نتطبع بهلطابع هاد ونفقد الخصوصية اللي كنا منتحلى فيها قبل ما ننزل بهلسلة هي .