عرض مشاركة واحدة
قديم 03/12/2009   #4
شب و شيخ الشباب قرصان الأدرياتيك
عضو
-- زعيـــــــم --
 
الصورة الرمزية لـ قرصان الأدرياتيك
قرصان الأدرياتيك is offline
 
نورنا ب:
Jan 2008
مشاركات:
1,446

افتراضي


مسا الخير أجمعين... .

فكرة الموضوع هامّة بس مطروقة كتير للأسف وبأشكال مختلفة... آخرها كتاب صدر عن أحد رجال الدين (روم كاثوليك) عنوانه "المسيحيّون العرب"... وفي كتير مقالات صدرت وما زالت عن القصّة يللي بلّشت بنهاية القرن 19 كردّة فعل عالـ "تتريك" (العثمانيّون).

للأسف ما في إثباتات تاريخيّة لبقاء مسيحيّين عرب بحسب النّسب اللي ذكرها الأخ... هالشي ما بينفي وجود مسيحيّين عرب (الأردنّ وجنوب سورية) لكن بنسبة ضئيلة جداً لا تُقارن مع المسيحيين الأقباط والسّريان... إلخ!

بحسب مصادر التاريخ العربيّة والسريانيّة كافّة القبائل العربيّة اعتنقت الإسلام لأسباب كتيرة ما في مجال نذكرها هون...

عندي سؤال للأخ "الأمير السّاميّ":
جميع (الشعوب) القوميّات كان عندها لغات، ولما اعتنقت المسيحيّة كانت طقوس عبادتها بحسب لغة كل منها، يعني عندك مصادر قديمة جداً باليونانيّة واللاتينيّة والسّريانيّة والقبطيّة والأرمنيّة... إلخ! عدا العربيّة .
هالشي ما بيدفعك لتتساءل عن قوميّة "العرب المسيحيّين" اللي استخدموا كل اللغات بعبادتهم عدا "العربيّة"؟! ليش ليُكتشف مخطوطات في اليمن والسعوديّة والخليج العربي (بالإضافة للآثار) تحمل طابع مسيحي مكتوبة بلهجات آراميّة مختلفة، وهالشي ينطبق على عرب بلاد الشّام، وما في أي أثر ولا نتفة بالعربيّة؟!
ليش بالكتاب اللي وجّهه أساقفة جنوب سورية (المنطقة مشهورة بأنها عربيّة) لأحد مجامع الكنيسة، في القرن السّادس الميلادي، بتشوف أنّو 90 أو 95 بالميّة من تواقيع الأساقفة "بالسريانيّة" وكام واحد بس "بالعربيّة" ؟!
ليش لتترجم الأناجيل ولأوّل مرّة إلى اللغة العربيّة في القرن الثّامن على يد بطريرك الكنيسة السريانيّة، بينما تُرجمت لأغلب اللغات المحليّة بين القرن الأوّل والثاني ؟!

طبعاً هدول باقة من الأسئلة للي يحبّ يبحث أكتر عن الموضوع، ماني عم أنفي أو أثبت شيء ضد شيء آخر، لكن اقتضى التوضيح!

خال لمّا بدّك تحكي عن "المسيحيّين العرب" بدّك تميّز بين "القوميّة" و"اللغة" و"الطقس" و"المذهب" لأن ما حلوة الخلط بين ستميت شغلة بعلم كــ علم "التاريخ"! .

Mors ultima ratio
.
www.tuesillevir.blogspot.com
  رد مع اقتباس
 
Page generated in 0.03871 seconds with 10 queries