أخي ديموزي
شكرا على ردك بالبداية
هلاء أنت مقتنع بها الحكي ؟؟؟؟؟؟؟؟؟؟ فاجئتني صراحة .......... يعني اذا سألتو لبوش شو يعني إصلاح سياسي بأكدلك أنو رح يفوت بالحيط ........... و عم نشوف الاقتصاد العامر بصراحة بالعراق ...... يعني بوش حمار ابن حمار و شو ما عمل رح يطلع شغل حمير .
بس يا أخي طريقة الكلام هاي مانها موضوعية ابدا مع احترامي الشديد.. اذا سألته شو يعني اصلاح رح يفوت بالحيط؟ مين قلك هل كلام؟ و مين قلك انه حمار؟ الزلمة رئيس اكبر دولة بالعالم سواء رضينا نعترف بهل شيء او لاء.. و بأسواء الحالات في عندك مستشارين و كونغرس كامل ليصدق على القرارات.. ما في دكتاتورية يا شريك. و اذا الاعلام حواليه عم يصوره على أنه حمار و ما بيعرف يكتب او شكله بيضحك.. هادا كله حكي فاضي و ما بيغير الواقع ابدا.. اذا بتقلي الرؤساء العرب حمير.. اي معك انا.. لانهم اجوا بطرق غير شرعية... بس هادا رئيس منتخب و رح ينعاد انتخابه مرة تانية او على الاقل منافس قوي جدا.. على كل حال نحنا ماننا بصدد مناقشة اذا كان غبي او ذكي.. و بالنهاية لو طلع فعلا غبي معناتا هاي بلية اكبر... لانو غبي و عم يتحكي فينا.. شلون اذا كان ذكي؟ يعني اذا هني الاغبياء نحنا صرنا الاذكياء؟
اما عن الاقتصاد العامر بالعراق .. فأنت برأيك كيف ممكن يحصل الاصلاح الاقتصادي بوجود من يسمي نفسه المقاومة العراقية؟ ثم الاصلاح الاقتصادي و بناء البنى التحتية مستمر بجنوب العراق.. و دائما في عراقيل من قبل الارهابيين.. طيب شو بتعمل؟
يا أخي لازم تدركوا فكرة انو هدف اميركا و ادارة بوش هي جعل العراق افضل دولة بالشرق الاوسط و السبب من أجل إعطاء مثال عن الرؤيا و الديمقراطية الامريكية... بغض النظر عما اذا كانت اميركا ديمقراطية ام لاء لانو ما بدنا نشعب الكلام كتير... يعني اميركا متورطة حاليا بقصة العراق... صح.. بس مستحيل تترك العراق بهل حالة لانو هادا يعني ضربة كبيرة كتير الها... بقى مشان تحسن صورتها قدام العالم و تعطي مثال لباقي شعوب الشرق الاوسط... انو ليكوا العراق كيف كان و كيف صار.. مشان هيك مصلحة اميركا باستقرار و تكوين عراق جديد و كمان يكون من احسن الدول بالمنطقة
يحارب الارهاب ؟؟؟؟؟؟؟؟؟ يعني بوش هلاء عم يحارب الارهاب مثلا ؟؟؟؟؟؟؟؟؟؟ هنن عم يخلقوا الارهاب وين ما راحو .......... و ما بتصور انو كتير رح تفرق على اسرائيل بوش ولا كيري بقصة المساعدات .......... اصلا من يوم اجا بوش و اسرائيل ماعاد فرق معها حدا ...........
يا أخي لكن شو عم يعمل؟ كمان اميركا عم تخلق الارهاب؟ اعذرني بس عن جدا ما بقدر وافق معك على هل كلام.. يعني الارهاب موجود يا اخي بعقول الناس و بدين الناس... الارهاب عم ينفتى كل يوم بمساجد العالم.. اذا من فترة قصيرة صار فضيحة بكندا سببها انو اكبر شخصية اسلامية بكندا حكت كلام متطرف بالسمجد و قال: هدفنا تحرير الاقصة من القردة و الخنازير .. و بالانكليزي... الزلمة مفكر الناس ما رح تعرف.. اي انطوشت العالم بكيف هيك يقول.. و طلع يقول قال هو ما كان قصده هيك. يا أخي اذا نحنا تعودنا على هل عبارات و الجهاد و ما جهاد... هادا كلام متخلف و قديم و هادا بذرة الارهاب بعينه... في فرق بين المقاومة و الارهاب و الانسان ما بينقلب ارهابي بين ليلة و ضحاها... الارهابيين موجودين ببلادنا و كل ما لهم على أسوا و اميركا و انكلترا الدولتين الوحيدتين المدركين هل شيء.. باقي الدول متل كندا لساها نايمة على ودانها.. و انتوا كمان مع احترامي.. لأانك لما عم تقلي اميركا عم تخلق الارهاب وين ما راحت هادا كلام ناقص تفاصيل كتير... و مشان اسرائيل.. طول عمرها هيك.. و رح تستمر هيك شكلها.. و شو يعني كرمال الفلسطينيين منبطل نصلح بلادنا؟ يا اخي اسرائيل ما خيفانة من حدا و لا ناطر حرب على العراق... بعز دين الضهر ضربوا سوريا .. و ما حدا من اشاوس العروبة فتح بوزه
ممكن تقلي شي واحد منيح ممكن يصير ؟؟؟؟؟؟ أو عم يصير ؟؟؟
الشي الممكن يصير و يلي رح يصير انو الجماعات الارهابية يلي عم تستغل الاسلام لاهدافها السياسية و يلي عايشة باوهام القرون القديمة و عم تضحك على الناس رح تفيق و تاكل كفين نضاف.. و لما يتصلح العراق و يتم استباب الامن الناس رح تشوف... و رح تبطل تسمع لمشايخ الوهابية.. انا بدي وضح بس اني ماني ضد الاسلام و لا ضد اخواتنا المسلمين بالشرق الاوسط... انا ضد الارهب يلي عم يتم باسم الاسلام و السبيل الوحيد للقضاء على هاي المشكلة هي بالتعرف عليها.. التعرف عليها يعني الادراك انو في عطل عم يصير بطريقة عرض الاسلام و في حرب سيكولوجية عم تقوم فيها هاي الجماعات المتطرفة على عقول الشعب المسلم... اذا نحنا ضحكنا على حالنا و قلنا اميركا سبب الارهاب... المشكلة ما رح تنحل... يمكن بعض الناس تنجرح مشاعرهم ... بس انا برجع بأكدا انو انا ماني ضد الانسان المسلم... و هل انسان يلي رح يزعل لهل درجة.. معناتا لسا مانو عرفان شو عم يصير حواليه .. يعني مو مشكلة اذا زعل شوي
... و يسمعها منا احسن ما يسمعها من شي صاروخ اميركي
بأكدلك أنو بقائنا مهدد بجورج بوش اكتر ........ بقاء الانسانية مهدد ......... اذا بدك تاخدها من ناحية الهوية ........ بقلك أنا ماني عربي ............. انسا اني سوري ( و فخور اني سوري ) ........ كون ابي و امي مسيحية ما بيغير شي فيي ............ انا بالاول و الاخر انسان و اللي عم بيصير ببساطة شديدة ضد الانسان .
بوش ضد الانسان وكيري ضد الانسان ................ و ما في شي بينفع غير انو يوقف الانسان مع الانسان ضد اعداء الانسان .
الانسانية بتقلك بالمساواة و عدم كره الناس حسب دينهم... بوش عم يحارب ناس... و هدول الناس هني قمة العنصرية و الغوغائية و الهمجية... ناس بيسبوا اليهود لان اليهود عنصريين... فأثبتوا للعالم انهم اكثر عنصرية من اليهود
الانسانية تعني الرخاء و الحرية... بوش قضى على نظام طالبان يلي كان بيمنع البنات من التعلم.. و يلي حول ملاعب كرة القدم لحقول لاعدام النسوان... بالعرق في ارهابيين عم تقتل الناس عشوائيا و تفجر كنائس... دليل اخر على العنصرية ... بوش و اميركا عم تحارب هل شخصيات... لعالم اكتر حرية و انسانية
بعتذر اذا كان ردي طويل كتير... ما ضروري تجاوب على كل نقطة.. بس عندي بعض الاسئلة لحضرتك و للجميع مشان نحصر النقاش و ما نتشعب كتير.. و ياريت تجاوبوا على الاسئلة بشكل مباشر
- هل تفضل ان صدام مازال بالحكم حاليا؟
-هل تفضل ان اميركا تنسحب تحت ضربات الصدر و الزرقاوي؟
- هل يمثلل الزرقاوي "الاردني" الشعب العراقي و هو يسبب موت الاطفال العراقيين مثل ما حصل بحادثة تفخيخ السياراة التي أدت الى مقتل حوالي ال30 طفل؟
- هل تدرك تشابك الارهاب مع الاسلام؟ و كون بعض الجماعات باتت تستغل الدين لتخويف الشعوب و زرع افكار مبنية على الحقد و التمييز في عقولهم؟ كيف ستسطيع ان تتعامل مع هؤلاء الاشخاص في حياتك الهمنية في المستقبل؟ و هل ستشعر بالامان بينهم؟ و الى متى؟
أخر و اهم سؤال
- الا ترى معي ان مصلحة اميركا الاقتصادية هي في خلق الاصلاح السياسي و الاقتصادي بالشرق الاوسط؟ أليس هذا ما نريده تماما؟؟
و شكرا
ذكرى مرور عام على وفاة الأديب العالمي سيبيري ماسكوليه 1932 - 2008