الاعلام .. هممممم
تعي نحكي ع الاعلام باشكالو المتعددة..
عندك من ناحية السياسة.. كل محطة تقريبا بتمثل شي حزب او شي شغلة.. هاد الوضع طبيعي (بنظري)
ولكن المش منيح انو هالطوائف عم تنحت ببعض ليل نهار.. بطريقة ,,, مقرفة
هالشي ما بيخدمنا .. ولا بيصف بمصلحتنا .. ع العكس تماما يعني
+
في تدخل بّراني( دول الغرب "الكافر"
) بشكل فينا نقول انو ملحوظ .. ان كان بطريقة مباشرة او غير مباشرة
فـ منستنتج
انو سياسيا .. فايت بالحيط
منجي لـ ثقافيا .... هلا اللي بيبحش بيلاقي كام برنامج.. بس نسبيا قلال
يمكن لانو ما الو سوق متل الي عند اخوتنا التركيين !
منستنتج
انو ثقافيا .. كمان فايت بالحيط
اجتماعيا .. هون اول شغلة بتخطرلي وقت اسمع اعلام و اجتماع.. المسلسلات الاجتماعية
هلا بشوفها منيحة.. و يمكن من الطرق القليلة اللي بتاثر مباشرة ع الفرد العربي... لان اغلب الشباب اللي لسة بمرحلة بناء الشخصية.. و هم نسبتهم كبيرة بالمجتمع (و اللي هي الطبقة اللاولى المتأثرة بالاعلام.. اكتر من غيرها يعني)بتابعها ..
في وقت نادرا ما تتابع برامج ثقافية او اخبار
و هلا حركة المسلسلات (الصناعة المحلية تاعتنا) منيحة كتير و عم تعرض مادة ظريفة و قضايا و بتنشر وعي .. انو بفترة ما رح بتعمل فرق ملحوظ..
منستنتج
.. انو اجتماعيا في امل
مبدأيا هاد اللي طلع معي
... الي رجعة
