اهلين بالاسمر .... وينك يا زلمي ؟؟
اقتباس:
طبعا هذا الكلام، وبكل بساطة، محض هراء.
الحياة غير مقدسة بالنسبة للملحد و لماذا تكون مقدسة إن كانت بلا هدف و لا غاية ... يخلد الملحد في الحياة بقدر فعله للخير ....
|
اول شي شو يعني هراء؟؟ ...انا ماني شاطر كتير بهيك قصص ....بس مبدئياً فهمت انو هراء يعني شغلة ما منيحة ....و فهمت كمان أنو هاد رأيك بالموضوع ....خاصة و أنك عم تحاول تفرض رؤيتك الشخصية على الاخرين ...وقت بتقول انو الحياة غير مقدسة للملحد...!!! ...طيب انت شو عرفك ؟؟
معك حق وقت بتسأل انو لماذا الحياة مقدسة عند الملحد ...بس ما بحقلك تقول انو الحياة غير مقدسة عند الملحد....ما مشان شي ...بس لأنو الشغلة ما عكيفك :P
اقتباس:
|
شيء مضحك ! و هل يفرح الملحد بخلوده بعد موته ؟؟؟ هل يتذوق الملحد نجاحه في الحياة بعد موته ؟؟؟ هل يؤمن الملحد بحياة بعد الموت ؟؟؟ طبعاً لا ..
|
حبيت نوه هون ...انو حديثك صحيح تماماً بس مع استبدال كلمة الملحد بكلمة الانسان.....لألأنو ما حدا رح يتذوق شي بعد ما يموت ....و ما حدا رح يفرح وما حدا رح يزعل..ان كان ملحد او حتى اذا كان نبي
اقتباس:
|
على هذا الأساس ليس هناك أي مصلحة للملحد بفعل الخير بل على العكس .... الإنسان مفطور على حب التملك و إشباع الشهوات ... فلك ذلك أيها الملحد إفعل ذلك بشتى الوسائل و من سيحاسبك ؟؟؟ الناس ؟؟؟ القانون ؟؟؟ هي حياة واحدة فليذهبوا جميعاً إلى الجحيم ....
|
بالضبط هون الفكرة....و الفكرة كتير بسيطة
انت عم تقول انو ليس هناك اي مصلحة ( للملحد) ان يفعل الخير !! ...و الاخطر من هيك...انك عم تقول انو الانسان مفطور على حب التملك و اشباع الشهوات !!! ...طيب بين قوسين ( مين فطرو للانسان على هالطباع الشريرة ) طبعاً هاد تساؤل خارج نطاق الموضوع . و اللي ضمن نطاق الموضوع هو انو كلامك غير دقيق ...اذا ما قلنا انو غير صحيح
الانسان ...اسم على مسمى ....و ما يميز الانسان عن بقية الحيوانات هو العقل طبعاً ..و الشعور الانساني ايضاً .
رح حاول وضح بكلام بسيط.... اللي بيقرا كلامك ...بيفهم منك انو لو ما كان في حساب ...و لو لا الرادع الديني ...كانت العالم اكلت بعضا ...يعني خود حالك انت على سبيل المثال....لو اكتشفت فجأة انو مافي لا اله ولا دين ولا يوم حساب...رح تقتل ابو عبدو مشان ما تروح ع الجيش؟؟ ....بتقتل اخوك ؟؟
بلا مثال القتل ...اذا انت شفت واحد عطشان....و مافي يوم حساب....بتشربو مي ؟؟ و لا بتتركو وبتمشي ؟؟
الدين طبعاً بضم جوانب اخلاقية باطار دوغمائي...و هالشي كان ضروري نظراً لتخلف الانسان فيما مضى و حتى الان ...و قصور العقل عند الغالبية كان بيفرض ع النخبة انتاج قالب الهي للاخلاق....نظام ترهيب و ارغيب...ثواب و عقاب...و افضل طريقة هي انك تقنع الانسان انو مراقب على مدار الساعة....و انو رح يتحاسب على افعالو حتى لو مات
بدون شك الفكرة عبقرية ....و لا تزال الحاجة لهيك نوع من الافكار قائمة....بس هاد الشي ما بيعني باي حال من الاحوال انو الانسان بلا دين بيتحول لوحش....الانسان هو الانسان ....و يرتقي بانسانيته كلما ارتقى بنظامه الاخلاقي ..و كلما كان هذا النظام الاخلاقي مبني على حرية الفرد باتخاذ القرار كلما كان نظام اخلاقي اكثر اخلاقية .
يعني مثلاً ..اذا كنت بالفحص و في مراقب فوق راسك و ما بتغش ..ممكن يكون السبب انك انت ما بتغش او انك بتخاف من المراقب....اما اذا كان مافي مراقب و ما غشيت ...بكون الشبب واضح...هو انك ما بتغش . VERY EASY يعني
اقتباس:
أمر آخر ....
لنر مدى قدسية الحياة عند الملحدين :
التطوريون بحسب الانتخاب الطبيعي يقولون أن الضعفاء من البشر و العاهات و العاجزين ...... يجب أن يعدموا و لا حق لهم بالحياة .... جاء بهذه الفكرة أرنست هيجل أهم الرموز الداروينية في ألمانيا ...
يدعي في كتابه ووندرز أوف لايف بأنه يجب قتل جميع الأطفال العاجزين بدون تردد .... لا بل جميع الأطفال العاجزين و المرضى الذين يعيقون تطور الحياة و المجتمع و ذلك بحسب قوانين التطور ........
و إليك كلام هيجل بحرفيته
(( مئات آلاف المرضى الذين يستحيل شفاؤهم مثلاً :
المرضى العقليين , المجذومين , و مرضى السرطان يبقون على قيد الحياة بشكل صناعي , لكن هذا لا يأتي لهم أو لعامة المجتمع بأي فائدة .
للتخلص من هؤلاء الرديئين (!!!!!!!!) يجب إعطاؤهم سماً فعالاً سريعاً بقرار لجنة مسؤولة و مراقبتها ))
|
حلو كتير.....باعتبارك عم تحكي عن القتل ..... فينك تعمل احصائية صغيرة لأوامر القتل الموجودة بالدين ...؟؟؟ خود دينك انت ...ما بدي دراسات عن الاديان كلا ... الدين كان ولا يزال اكبر عامل محرض و مساعد و مسبب لقتل الانسان على يد الانسان , ان كان بشكل مباشر ( وقت بكون الدين عم يطلب منك هالشي صراحة ) او ان كان عن طريق استخدام الدين كغطاء و وسيلة .
اما بالنسبة للشي اللي ذكرتو... فما بعرف ...يعني نحنا من الصبح و عم نقول انو الملحدين ما بشكلو لا طائفة ولا دين... الشي المشترك بين الملحدين هو رفض الايمان بخالق مفترض لا دليل غعلى وجوده...و الباقي كلو عرضة للخلاف ..., مافي منظومة اخلاقية وحدة بتجمع الملحدين...و الالحاد بتراوح ما بين الاباحية المطلقة الى الالتزام المتعصب و المتزمت بالتقاليد .
بالنسبة لكلام هيجل .... ما بعرف انت كيف فهمت الموضوع ...بس صار قانون الموت الرحيم سارؤي المفعول بكذا دولة بالعالم .... و هو قانو انساني بكل ما للكلمة من معنى ...وقت بكون الشفاء مستحيل ...و اللي باقي من العمر هو ايام او ساعات من المعاناة والالم ..بكون احسن حل هو انو نحط حد للمعاناة ...و هاد رأي الشخصي...و انت حر ....اذا لا سمح الله بشي يوم انحطيط بهيك موقف....خليك مستني رحمة الله ....انا ما بحب استنى
اقتباس:
رئيسة جمعية الملحدين في امريكا تعترف بتعاسة ما تؤمن به
Ellen Johnson
President of American Atheists
جرى نقاش في سي ان ان جمع "المؤمنين" والملاحدة
___________________________
larry KING:
And I imagine, Ellen, you believe that a pet like a human just comes and goes?
JOHNSON:
We just come and go. Yes.
larry KING:
Sad, though.
JOHNSON:
Yes. It is. Yes.
الترجمة :
Larry king: اتخيل, إيلن, تعتقدين ان الحيوان كالإنسان فقط يأتي ويمضي
JOHNSON : فقط نأتي ونذهب. نعم
Larry king: : حقيقة محزنة ...
JOHNSON : نعم. هي كذلك. نعم
|
حوار رائع.....لأنو حقيقة محزنة ...بس هي حقيقة ..و الملحد عم يتعايش مع الحقيقة بافضل الطرق....و بدون ما يهرب من الحقيقة للخيال ...و بدون ما يبعد عن الواقع
بالأفيـــــــــــــــــــ ـــــــــــــــــــــون
J.S: Death is the solution to all problems. No man = No problem.