[حنين.]

كاتب النص الأصلي : Nasserm

أما القصة الحلوة تبع "صندوق اللاشيء".. هاي بظن مشتركة بين الرجال والنساء..

أي شخص -رجل أو إمرأة- منا المفروض تكون مرّت عليه هيك قصة.. يكون عم يقرا كتاب.. أو عم يتفرّج ع التلفزيون.. أو صافن عم يطلع على شغلة.. وهو عقلو بمحل تاني تماماً.. أو بـ ولا محل.. قضينا عليها ضحك شي يومين.. كل ما تقلي رفيقتي أو إختي شي.. متل إنو "ليش هيك"؟

قلها: "طيب إنتي شبكية.. بس أنا صندوقي.. مو بإيدي يعني"


الموضوع إنو..

ما فيكي تعممي صفة معينة ع كل الرجال وتستثني منها كل النساء

مثلاً.. اللامبالاة.. ما في حواليكي شي مخلوقة عندها لا مبالاة؟

إي بعرفلك كام بنت.. عندها لامبالاة بالدنية كلها.. ومنهن حالها (رغم إنها بتنطلق ديماً من شي هي بدها تعملو.. حابة تعملو.. شي متل أنانية.. بس أنانية هبلة)

بالمقابل في رجال.. بتلاقيهن حاملين هم الدنية ع راسهن..

إذن؟

مو معيار.. التعميم مش صح

الصح؟

شو بيعرفني شو الصح

بس إنو هيك شي (طلعت من صندوق الموضوع.. وفتت ع صندوق اللاشيء)


حاجة


سمايلي أبو خسة

معك حق هادا صندوق اللاشي كانت فاتحتو صديقتي زمان وكنت بضحك عليها واحيانا بزعل منها لما تصفن واسالها بشو كنتي تفكري تقلي ولا شيء ونحنا متعودين نفكر بصوت عالي يعني مافي اسرار بناتنا
هلق مابعرف كيف انا فتحتو ومابدو يتسكر
يعني ادا بدي صدق المقال حرفيا رح استنتج صار عندي تحول
طبعا مافينا نعمم والتعميم غلط وانا كل همي ببحث عن الحالات الخاصة لان اغلبية الجنس الخشن فوق الخشونة لا مباليين وانانيين لا تزعلو
يعني مو ناقصهم يقرو هيك مقال خبيه الله يخليك ...مابدي اسمع حدى يقلي انا صندوقي..
ومرسي عالخسة مع انها خسة وحدة مو كافية
وهي جزرة