اقتباس:
كاتب النص الأصلي : حنين.
تحليل غريب شوي ومتحيز لصالح الرجل عملو مسكين حرام ما بيعرف كيف يتصرف وكل اللي بيعملو غصب عنو وم بيقدر يكون احسن
بس في نسبة كبيرة من المنطق وفسرلي كتير اشياء كانت محيرتني
|
هلق هو التحليل ملفت للنظر.. لـ غرابتو.. ولـ ذكرو بعض الحالات والمواقف اللي منعرفها..
بس ما بشوفو منطقي كتير.. ولا صحيح حتى
لإنو كتير من الأمثلة اللي ذكرها ع الرجل.. بتصير ع المرأة.. والعكس صحيح
مو كل الرجال ما بيهتمّوا بالتفاصيل.. ومو كل الرجال ما بيقدروا يركّزوا على أكتر من شيء واحد..
أما القصة الحلوة تبع "صندوق اللاشيء".. هاي بظن مشتركة بين الرجال والنساء..
أي شخص -رجل أو إمرأة- منا المفروض تكون مرّت عليه هيك قصة.. يكون عم يقرا كتاب.. أو عم يتفرّج ع التلفزيون.. أو صافن عم يطلع على شغلة.. وهو عقلو بمحل تاني تماماً.. أو بـ ولا محل..
والقصة اللي ذكرها عن إثبات جامعة بنسلفانيا هالشي (نتيجة تحليل النشاط الدماغي للرجل والمرأة) ما بظن صحيحة لسبب:
منعرف إنو أثناء فترة راحة الدماغ.. بيتم تخزين المعلومات بالذاكرة.. وراحة الدماغ ممكن تصير أثناء عدم التفكير أو أثناء النوم.. وهالشي إذا كان صحيح.. يعني رح يكون تخزين المعلومات عند الرجل أكتر من المرأة.. بس هالشي بيتناقض مع حكيو عن الرجال إنو ما بيهتموا بالتفاصيل..
بكل الأحوال..
المقال فيه أفكار حلوة.. طريفة حتى..
قضينا عليها ضحك شي يومين.. كل ما تقلي رفيقتي أو إختي شي.. متل إنو "ليش هيك"؟
قلها: "طيب إنتي شبكية.. بس أنا صندوقي.. مو بإيدي يعني" 
اقتباس:
كاتب النص الأصلي : حنين.
وبلا ما نحكي عن الامبالاة بشعور الاخرين
جد الرجال كارثة
|
مممممممممم
هلق مزبوط
بس برأيي أنا "البشر كلهن قشة لفة كارثة" مو بس الرجال.. ورح ينقرضوا قريباً
بس مو هاد موضوعنا
الموضوع إنو..
ما فيكي تعممي صفة معينة ع كل الرجال وتستثني منها كل النساء
مثلاً.. اللامبالاة.. ما في حواليكي شي مخلوقة عندها لا مبالاة؟
إي بعرفلك كام بنت.. عندها لامبالاة بالدنية كلها.. ومنهن حالها (رغم إنها بتنطلق ديماً من شي هي بدها تعملو.. حابة تعملو.. شي متل أنانية.. بس أنانية هبلة)
بالمقابل في رجال.. بتلاقيهن حاملين هم الدنية ع راسهن..
إذن؟
مو معيار.. التعميم مش صح
الصح؟
شو بيعرفني شو الصح
بس إنو هيك شي (طلعت من صندوق الموضوع.. وفتت ع صندوق اللاشيء)
حاجة
سمايلي أبو خسة 
ربما كان عدم الاتفاق أقصر مسافة بين فكرين. (جبران النبي)