[حنين.]

كاتب النص الأصلي : قرصان الأدرياتيك

مسا الخير حبيبي... كيفك؟!
اسمحيلي أعترض (كالعادة )! هون منتدى افتراضي... سوري ولا كورمانجي فهوّ منتدى على الإنترنت، مفتوح للجميع، ومَ حدا ضيف ومضيف... إلا اللهمّ بعض ذوي رؤوس الأموال والسلطات العلية فهاد مو من شأني! أنا هيك بشوف الأخويّة وهيك بعتبرها برغم بعض التجاوزات غير العقلانيّة وغير الطبيعيّة إلا في بلاد الإرهاب والتخلّف والقمع!
فمتل ما بشوف فلان أو فلانة (السوريين) بشوفك أنتِ يا هدهود وبشوف بيرسونيتا الغايبة الحاضرة وكل أصدقائكن أبناء الجزائر والمغرب وما إلى ذلك من أقطار شمال أفريقيا (باستثناء مصر)!
فلا تزعليني الله يرضى عليكِ .


أنتِ مصرّة تغيظيني...
بالعكس أنا أشتهي أسمع أو أقرا لهجات كل البشر لنتعلّم ونزيد من معارفنا... بعدين وين المشكلة إذا سألنا قبل ما نحكم؟! السؤال دلالة على رغبة في كسب المعرفة. بوكرا بدي بلش كورسات مع حنين لتعلّم اللهجة الجزائريّة! شو رأيك بهالفكرة حنّون؟! بدّي نزلها بموضوعك أبو الأفكار .

مرحبا قرصان الغالي
ومرحبا للكل
وانا كمان بعترض المنتدى سوري بالاغلبية وبالملكية وبالمحتوى وبكل شيء يعني بيت سوري دائم لاهل سوريا ونحن ضيوف والضيف الو حدود لازم يوقف عندها
انا قلت انو حتى ولو قوانينو تسمحلنا نسجل ونحكي بلهجتنا هاد شيء مارح يضبط لانو ما رح تفهمو شيء وانت جربت تفهم وماقدرت بتتذكر هاداك اليوم
فنحنا من جهتنا بنعمل اللي بنقدر عليه وبنحكي خليط سوري وعربي بس مستحيل نقدر نتكهن بالعبارات اللي معناها العربي الفصيح محترم وانتو محوريين المعنى الحق عليكم مو علينا
لهيك استفسرت ان كان هاد الشيء بيدايق الحاضرين هون او لا
لاني مابحب اقعد غصب ونزل مواضيع ومشاركات غصب هاد طبعي قرصان مالو علاقة بالقوانين

انت على عيني وراسي رح علمك كل شيء اامر بس