هادا لا اسمو نقاش ولا اسمو شي ...لأنو انفقد العنصر الأهم يللي هو الاحترام!!!!
المسيحيين بيعتقدو أنو المسيح ابن الله ...طوبى لهم وهنيئا
المسلمين بيعتقدو أنو عيسى نبي منزل...طوبى لهم و هنيئا كمان
ما بعرف وين المشكلة...يعني الخليل السابع صار ما بيقدر ينام اذا ما قلبو المسيحية اسلام...وما بتزكر مين بدو يهدي المسيحية...يا حباب شو بدك تهدي أنت؟؟مين قلك أنو كلامك هو الصح.
يا شباب..الله يخليكون...ماعم تحكو واحد زائد واحد يساوي 2....قصدي أنو المعتقدات و الأديان مانون حقيقة مطلقة...كل واحد ألو معتقدو وهل المعتقد هوحقيقتو...بس هالشي ما يعتي أنو كل الناس اللي ما بيفكرو متلو كدابين أو "كفار" (قديش اكره هالكلمة!!!!!)... يعني متلا..قريت بوحدة من الردود أنو المسيح ابن الله حقيقة لا تقبل النقاش ...ليش لأ ؟ ما دام وجود الله بذاتو أناماني مقتنع فيه!!!! بس طبعا أنا مجبور احترم رأيي يللي يفكر بهالشي...متل ما بشوف أنو من واجبي بهنيه بالميلاد والفصح ...متل مومن واجبي أنو اهني المسلم بالفصح و الأضحي.....
يا أخواتي...بصالون بيتي معلق صورة لشارع بحلب فيو كنيسة وجامع مقابيل بعض (بالعزيزية) و كل ما بيجيني حدا عالبيت بخليه ينتبه عليها...
شوية تسامح و تفاهم ما بيضر حدا ...يعنى قلبي بيدمع كلما بشوف شي رد متعصب..بتمنى أنو ما حدا يفهمني غلط أو يزعل من كلامي...وانشالله الصورة يللي ببيتي يظل الها معنى...
مع أطيب التمنيات للجميع
