[سوا ربينا]

أما انت مثنى فكل هالحب للأردن ياترى تارك شي مطرح بقلبك لأنثى او لأ...

اي تارك مطرح ومطرح كتير كبير .. بصراحة انا بدون حب لانثى ما بقدر عيش..


حبيت لما هلق بتحب , أو في مشروع حب عالطريق؟؟

هلأ سابقا كنت فكر حالي حبيت عن جد بس بصراحة بتقدر تقول كان كلو حكي فاضي ..بس انو حاليا اي بحب وبحب كتير يعني بعد 10 ايام بطبق السنة مع الحب الحقيقي يلي اول مرة بعيشو بحياتي ... وبتمنى يضل طول العمر ..


" أنا عادة ما بسأل عن هالموضوع لكن انت بديت بالسيرة "

عادي يا زلمة خود راحتك ..


وبما انو انتقلنا لمواضيع اجتماعية فبدي اسألك عن العشائرية بالأردن يعني الملاحظ انها طاغية على علاقات الناس ...
هل هالانتماء بيأثر ايجابا او سلبا لو سلبا كيف برأيك ممكن انو يتحول لتأثير ايجابي ؟

هلأ بداية بدي قول شغلة انو مش بكل مكان العشائرية طاغية .. يعني مثلا بعمان ما في هيك شي او بتقدر تقول نادر جدا ...

هلأ هوي انا برأيي بيأثر ايجابي يعني رح قلك مثال زغير بيوضحلك كل شي .. هلأ بعشيرتنا في للفخد تبعنا صندوق هالصندوق كل واحد بيشتغل بدو يحط فيه مبلغ معين كل اخر سنة هالمبلغ مش كتير بس يلي بيحب يحط اكتر بيكون منيح .. هلأ وقت يصير شي مناسبة سواءا فرح او ترح بيستخدو هالصندوق خص نص ازا اصحاب هالمناسبة ما بيملكو المال الكافي لحتى يعملوها .. هاد كمثال لو مافي عشائرية ما كان بيصير هالشي .. هلأ يمكن هالشي ما يكون ذات اهمية كتير كبيرة .. بس في كتير شغلات بتصور انو العشائرية فيها منيحة.. هلأ انا طبعا ما الي دخل بهالشي لانو نص قرايبيني ما بعرفهن ..
ان شالله تكون وصلت فكرتي بخصوص هالموضوع لانو بعرف انو عجقت الدنيا ببعض وانا شالله فاهم شو قلت ..


سؤال زغنون على جنب انا واياك تعال لوشوشك
" شو جابك على اخوية وخلاك تلزق هون؟؟"

هلأ اخوية فتتها بالغلط يعني متل كتير ناس كنت بتزكر انو ببحبش ع شغلة مش متزكر شو كانت بس اعتقد انها اغنية لانو انا ما بسجل بالمنتديات غير مشان الاغاني او البرامج وبوقتها ما كنت كتير مهتم بالبرامج .. بعد فترة جيت ولقيت رسالة من اخوية انو تم التفعيل وهيك .. وقت شفت اللهجة يلي مكتوب فيها هيك كيفت .. يعني مافي منتديات متل هيك كان مارق علي .. المهم عجبني اسلوب المنتدى ولونو فصرت شارك ع الخفيف حتى كنت شارك بعضوية غير هي بس ما كنت بعرف انو الواحد بيقدر يغير اسمو لهيك رحت عملت عضوية تانية .. وصرت شارك اكتر كل مرة.. ع فكرة السمايلات من احد الاشياء يلي شدتني لاخوية ما بعرف كنت افرط ضحك منهن ..باول ايامي كنت افتح ع قسم ع الطاير هداك يمكن اسبوع بحالو وانا بقلب بصفحاتو وما كنت ازهق ...وبرضو كنت باول ايامي مشكلجي نوعا ما حتى اخدنا تلات مخالفات خلال شهر ونص ..بس بصراحة كنت مرات كتيرة اتدايق من اعضاء بيحكو ع الاردن وكانت تمر علي ايام اكره اخوية ويلي فيها .. وكنت ازا بسمع حدا بيحكي هيك او هيك حاول بأي طريقة انو يتسكر الموضوع او ينحذف وفعلا كان في كتير مواضيع تتسكر بسببي ..
المهم وهوكزا يعني لزقنا وصرت حبها اكتر واكتر لحد ما لزقنا فيها وما عاد نقدر نتزحزح ..


بحكي كتير مش هيك ..