اقتباس:
كاتب النص الأصلي : مجنون يحكي وعاقل يسمع
مرحبا
يعني شو بدكون ماني عارف كل واحد منكون موعرفان شو بدو ,اللي مبارح كان معو اليوم ضدو والعكس
وليش عاطيين الموضوع أهمية مع احترتمي لآرائكون ترى ما عم أعرف يمكن صاير مخي شو ما عم جمع من ولائم العيد يعني ممكن تكون الفائدة الوحيدة من ةوجودو هنيك إنك إخوانا المثقفين المصريين انزال هم عن قلبون بس يترحمو على النباش الأول , مو لأن حضرتو بلا صغرة بيجوز يكون أحسن من اللي بعدو لآ لآ لأنو اللي بعدو بيجوز يكون أسوأ هاي أولاً
وثانيا بما أنو الأخ عربي أو يتبع نظام عربي ويمثل هالنظام اللي معفن ومأنتن وريحتو طالعة , فهاد مانو ممثل العرب ولا رح يكون ممثل لمصر رح يكون ممثل نظام مبارك المرتبط مع إسرائيل باتفاقيات يجلها مبارك ونظامو واسرائيل ما بتعرف فيها
فيا سيدنا الموضوع ما بيستحق كل هالمتابعة وهالجدية وعنزة ولو طارت
|
بما انو عم تقتبس ردى اعتقد كلامك موجهة لى فراح رد على تلات اشيا ما عجبونى بكلامك
عم تقول انو حضرتو يجوز يكون احسن من اللى بعدوا واللى بعدوا يكون اسوأ منو ..هو من باب الامكانيات كل شئ جائز بس هذا لا يعنى الاقرار بسياسة الامر الواقع ..انو نضل نتقبل وضع سئ خوفا من ان اللى بعدوا يكون اسوأ
نحنا عنا امل باللى جاى شو مكان هو او سياستو بيكفى انو عم نغير صورة صامتة موجودة من سنة 87 لحد الان
تانى شئ انت عم تقول انو راح يكون ممثل لنظام مبارك المرتبط مع اسرائيل هدا طبيعى للاسف والا ليش كل هالمساندة من مبارك ومساعدة فى تجميع الاصوات لكن الحق يقال اكيد مبارك ما بدو هالمنصب ياخدو عربى ليفيد اسرائيل , الخيانة ما وصلت لهالدرجة , اكيد فى مصالح مفيدة راح تنقضى والرجلين عندون طموح خلينا نشوف شو راح يعملو
تالت شئ انو الموضوع ما بستحق كل هالمتابعة والجدية _ واقتباسك لردى يعنى ان هالاشارة الى
- فبقلك ما تشغل بالك انا جاى ع بالى اشغل نفسى هالايام بالموضوعات السطحية