اقتباس:
كاتب النص الأصلي : Sun Shine Art
اول شي شكرا لكم لفسح المجال لنسألكون .... 
الاسئله هي موجهه لكل واحد فيكون ....
شو اكتسب كل واحد فيكون بعد هل الموضوع ...من ناحيه العلاقه بالاعضاء ..والتعرف عليون ....والعلاقه بيناتكون
علاقه كل واحد فيكون باخويه ...ورأيكون باخويه من قبل ..وحاليا .....
وصف .:
الحب .الوحده ...الخيانه ....الفقر ...العلمانيه ...التعصب .....المرأه بحياتكم ....
فن : مارسيل ..فيروز ....جوليا ...ماجده ....
وضع سوريا حاليا ...مقارنه مع وضعها من 10 سنين ؟؟؟سياسيا واجتماعيا ...وعلاقتها بالتحديد مع الاردن والعراق ..كيف بنتظرولها .....
الغربه والسفر شو بيعني لكل واحد فيكون ...
اصدقاء اخويه ؟؟؟؟ هي حقيقه ام مجرد تمضيه وقت بعالم الانترنت ....
والي رجعه طبعا اذا بتسمحولنا يعني
وبدنا تذكار من كل واحد فيكون للموضوع وللاعضاء
|
شو اكتسب كل واحد فيكون بعد هل الموضوع ...من ناحيه العلاقه بالاعضاء ..والتعرف عليون ....والعلاقه بيناتكون
انو يكون في 3 اعضاء كل منون بهوى ومخ ما بيشبه التاني فهيدا عطانا مساحة اكبر لنختار الاعضاء
من عندي كان في جزء من الاعضاء للمرة الاولى بيكون في بيني وبينونحوار
جورج مثلا او نسرين او بووزي هني لاول مرة بحتك فيهون
سيمون او ورد او علاء ليون هارت رغم انون اصحابي بس اللي حكيوه بالبرنامج اول مرة بعرف كتير منه
احتكاكنا بالاعضاء كان ايضا من خلال الحوار مع الاعضاء المجهولين اللي سالوا الضيوف
العلاقة بينا
زيد شخص بيعرف كيف يفكر باوقات كتير بيسال اسالة بكون بدي قولها وهالشي سهل الحوارات وخاصة انو مو اول مرة ما رح احكي عنو كتير لانو هوي من اهل البيت وبيعرف معزته
سوا ربينا لاول مرة بتعامل معه هون شخص اكثر من رائع ما كنت متوقعه هيك اطلاقا
الحب .الوحده ...الخيانه ....الفقر ...العلمانيه ...التعصب .....المرأه بحياتكم ....
فن : مارسيل ..فيروز ....جوليا ...ماجده ...
الحب = الحياة
الوحدة= مفيدة احيانا وضارة احيانا (حاليا بالنسبة الي مفيدة)
الخيانة = اليوم بالنسبة الي شي عادي كتير ما عدت اتفاجأمنها
الفقر= يوم عن يوم عم نغرق بكل احوال الفقر ما رح قول اكتر من هيك لانو اللي ايدو بالنار مومتل اللي ايدو بالمي
العلمانية = لسا كتير لنوصلها
التعصب= السرطان
المرأة= مرأة ما رح قول اكتر من هيك
مارسيل وماجدة = افضل عدم الاجابة لكن فنهون كبير
فيروز= جزء من الحياة
جوليا= فنانة بتحترم فنا وقليل لنشوف متلا
وضع سوريا حاليا ...مقارنه مع وضعها من 10 سنين ؟؟؟سياسيا واجتماعيا ...وعلاقتها بالتحديد مع الاردن والعراق ..كيف بنتظرولها ..
سوريا بتشبه واحدكان نايم لسنين وفجاة صحي بسرعة وبدو يلحق العالم
في كتير قيم بتمنى ترجع قبل 10 سنين
وكتير اشيا بتمنى بتمنحى للابد من قاموس البلد كعقلية باب الحارة اللي مسيطرة علينا بهبل وانحكى بهالموضوع كتير
بقول شي قاله كريم
اقتباس:
|
لك انا بدي خلي الله يشتهي يصير سوري
|
العلاقة السورية الاردنية ما عندي كتير عن خلفيتها
العلاقة السورية العراقية باختصار هي علاقة بلدين كل منون بدو يلحس اصبعتو ببساطة العراق كان جريح وسوريا كانت عمتنزف معه
واليوم تستمر هالحفلة
الغربه والسفر شو بيعني لكل واحد فيكون ...
ماعادت تعنيلي كتير لانو حياتي نصها سفر
يوم بالشام يوم بحمص الثالث بالقلمون والرابع مدري وين
اصدقاء اخويه ؟؟؟؟ هي حقيقه ام مجرد تمضيه وقت بعالم الانترنت ...
جزء منون صاروا اكتر من صحاب وسهرنا سوا وقضينا ليالي عندبعضنا وخططنا سوا وفي منون اليوم بتجمعني فيون علاقة الشغل المشترك
وجزء اخر تنتهي علاقتي فيون بمجرد كبسة الاغلاق
بترك التذكار للنهاية
ابو سارة الكرة الك شوط يا قمر