اقتباس:
كاتب النص الأصلي : sheldi
ابو نجبو ما عرفنا شي عن احلامك
|
ياسيدي أنا لمّن كنت مراهق ..كنت حبّ الفيزيا كتير ...وكان حلمي اصير عالم فيزيا أو فلكي ....عن جد عمبحاكيك
يمكن تتوقع انو هيك حلم و خلص ..لا ...عن جد أقعد ساعات طويلة أمام شاشة التلفزيون عمبتابع البرامج التعليمية "المملّة" تبعيت البكالوريا وانا كنت بالسادس بهداك الوئت ...
ولما صرت بال13 كنت مصمّدمصاري من الخرجية رحت اشتريت فيها منظار .....منشان أراقب النجوم و القمر يعني ...على أساس انن ببينو بناضور حقو 500 ورقة .....

المهم اجيت عالباكلوريا و بلّش ضغط الاهل ...شو بدّك بالفيزيا ..نهايتك استاز و شغلة علّة ......و و ..الخ
وطار حلم دراسة الفيزيا .....ومن وقتها بلشّت أحلامي تتضائل شوي شوي ....
وبصراحة من يومها بلّشت استسلم لظروفي ...شي ياخدني يمين ....شي ياخدني شمال....حتى صرت بالصين
وبسبب الضغوط الماديّة ....قررت ...او خططت ...انو يكون عندي بيتي المستقل بعمر ال30 ....لكن للاسف مو باين انو رح يتحقق هالشي ....
اما انو ازا كنت رضيان عن حالي ....فللاسف لا ...حاسس حالي متراجع وانو الدنيا عمتاخدني من شغلات كنت كتير بحبها ...المطالعة مثلاً.....
وللاسف انو الحاجة الاساسية اللي بحتاجها الكل....واللي مفتقدها.... هو تنظيم الوقت .....ومع فوضى الزمن اللي عايش فيه ...بتحسّ حالك انو عمتركض و تركض بس ما عمتنتج شي ...حركة بلا بركة يعني
بس بيبقى عندي أمل ...انو بعض من احلامي الضائعات اشوفها بولادي
