اقتباس:
كاتب النص الأصلي : jano.
عطونا رأيكن بهالأكلة 
ما بعرف شو اسما لانو لسى ما قيدتا بالنفوس، عم فكر بـ "سفينة نوح" أو باذنجان مقشي (مقلي+محشي) 
على فكرة الأكلة بعدها سخنة، خلصت أكل وسحبت الصور عالكمبيوتر فوراً، فيعني مدّو ايديكن ولا تخجلو.
المقادير:
حبّة باذنجان متوسطة الحجم، بتقطعوها بالطول (أقل من التلت بشوي) على شكل سفينة وبتقلوها.
الحشوة:
لحمة مفرومة ومتبلة حسب الرغبة مع شوية بصل وبقدونس يتم قليها.
بتعصرو شوي ليمون عالباتنجانة من جوّا وبتحطو اللحمة وفوقها جبنة وقطعتين بندورة وبتحطوا بالفرن لتدوب الجبنة وتتحمّر(أنا كان لازم أتركها أكتر بالفرن، بس الجوع كافر  )
الرز:
مابدو حكي
الخضرة:
حسب الموجود
أنا حطيت جزر وبصل وفليفلة حمرة وفاصولية وبقايا الباذنجان، رشة ملح وبهار ويتم قليها (بدون سلق) مع إضافة نبيد أبيض وعصرة ليمون.
بالعادة بعمل مع هالأكلة صلصة غير شكل (كمان براءة اختراع  ) مع كومة توابل. بس اليوم حبيت غيّر.
وصحتين وهنا |
هالاكلة انا اكلتا في تركيا باعتبارا اكلة تركية بس كمان ما بعرف اسما