نرحب بالعضوة العزيزة علينا و الفنانة ... Boozy
كل الهلا تسلمي عيوني
بالمناسبة اسمي ايفان
اول فقرة مع الانا ...

شلون كانت طفولتك و شلون كنتي تشوفين الحياة ...
انا كنت وما زلت طفلة شقية جدا
ام المشاكل
فضولية واحب اعمل كلشي اجرب كلشي.. حب المغمرة استهواني ولا يزال
اما الحياة يا سيدي.. دوامة الكل يركض بيها
" الجاهلون والمخدوعون والسطحيون هم السعداء وحدهم بيننا.
-اوليفر كاونتليت- "
تحسي انك محققة الشغلات الاساسية الي ببالك
ما زلت بالعتبة ( السلّمة ) صفر.
طموحي كبيييييييير وما اله حدود.. مو طمع لا
بس احب اطوّر نفسي على قد ما اقدر
الله معطيني طاقة ومواهب ليش ما استغلها واستفاد منها؟؟
البصرة .. ما موقعها هي بالسبة الك ؟
البصرة.. الله اضفاة الى انها وطني الاول والاخير
بس مو لانها مدينتي البصرة تتميز بان ناسها طيبين جدا
روحانيين وعاطفيين وبسطاء
اذا تلاحظ اغلب فناني وشعراء ومبدعي العراق من البصرة
تحسي في يوم من الايام ممكن تعيشي بعيدا عن البيت و العائلة و بعيدا عن البصرة ...
ما اعرف..
والله ما اعرف.
من اجرب اخبرك
هي خلصت فقرة الأنا ...


لستُ بجسدٍ تسكنه روح.
بل
ثلاثة أرواحٍ
و عقولٍ
و قلوب
جزئها المرئيُّ الصغيرُ
جسدْ.
http://evandarraji.blogspot.com/