اقتباس:
كاتب النص الأصلي : سوا ربينا
مرحبا سامر .. بداية بموضوع نزلتو من فترة بسيطة اسمو كارول صقر - الأغاني الغربيةوبرد الك كان
هل سامر بيقدر يخبرنا ليش هالاغنية الها معزة خاصة عندو ..؟؟
|
أنو ... بتذكرني بمرحلة حلوة من حياتي ( بسنة الـ 90 يمكن )
بوقتا كانت الحياة أبسط و أحلى بالرغم من صعوبتها
ليش هالغنية بالذات
لأنو أول مرة بيجيني إهداء عالراديو ... كانت هالغنية .. و من شخص كتير عزيز
.... و كان وقتها الراديو قصة كبيرة
اقتباس:
|
وازا بدو يهديها لحدا مين هالحدا ؟
|
بهديها لكتير ناس
من أخوية مثلاً ... بهديها لمروووش ...
اقتباس:
|
قسم الموسيقى بأخوية شو بيعني لسامر ؟
|
قسم الموسيقى ... هو يللي عرفني عالمنتدى ...و أول كم شهر ما كنت فوت غير عليه
أكيد بيعنيلي كتير ...
و في أفكار كتيرة لنرفع من مستواه .. بس دايماً منصتدم بالمشاكل التقنية .. يللي كلكون بتعرفوها
اقتباس:
|
كيف ممكن تكون حياة سامر بدون اخوية او الموسيقى او زياد وبدونهم كلهم ؟؟
|
هلأ بطيبيعة شغلي ... الموسيقى بتاخد حيّز كبير من وقتي
و بطبيعة شغلي كمان .. بضل عالنت .... و ما بقدر اتصور النت بدون أخوية
يعني بسبب روتين حياتي ....و برنامجي اليومي ....ما بقدر استغني عنهم أبداً
بالنسبة لزياد .. فـ نحنا جيل كامل تأثرنا فيه
يعني مثلاً بأيام المدرسة .. لما كنا نتناقش بشي موضوع .. و نختلف بوجهات النظر ..
يللي يقدر يجيب رأي لزياد يأيّد كلامو ....الكل يعتبروه فاز بالنقاش
اقتباس:
|
هل في شي مرة شفت واحد بيغني سواءا ع التلفزيون او بحفلة او بأي مكان وقلت انو هالشخص ممكن يكون شخص عظيم مستقبلا؟ وازا صار مين هوي هالشخص؟
|
ما بعرف شو بتقصد بعظيم ....
إذا ما قصدت فيها الشعبية الكبيرة أو التجارية
فجوابي هو ... غادة شبير ... من لما كانت بفرقة بيروت مع شربل روحانا