بعد التعقيب بالإثناء على المختصر المفيد,
انوه ان لم يقصد كاتب االمقال (لا ضمنا ولا صراحة) ان الحل هو الحكم المسيحي الثيوقراطي ! ابدا .. انما الموضوع في صلبه يتناول امكانية اقامة دولة مسلمة حقيقية او لا .. __اشرت لهذا من باب ما يتحول النقاش بردة فعل عكسية من باب الفعل وردة الفعل وينتقل الموضوع ليناقش الدولة المسيحية ..__
اما بعد,
فقبل قبل وبعد بعد .. يعني من البداية لو اخدتها .. ابتدائا بالخلفاء الراشدين (هدول الي يعني كان لسا شو متل ما بيقولو العقيدة والدين طازة عندون) ..
عندك ابو بكر الوحيـــــــد الي مات موتة ربنا ..(الصديق)
وبعدها عد معي ..
الفارق: عمر بن الخطاب .. قتل
ذو النورين: عثمان .. قتل كمان
هدول بالمدينة المنورة .. راحو على الكوفة ..
على بن ابي طالب: قتل كمان وكمان _الخوارج_
ابنو الحسن بعد الهات والخود اتنازل لمعاوية _يعني من باب ميت قولة جبان ولا قولة الله يرحمو _ وما خلص .. كمان وكمان سمموه ومات ..
نط بعدها الأمويين .. من ابو سفيـــــــــــــان وجر لمروان بن الحكم .. (بدي اعرف اي فترة فيهم بس شي حدى يشاور عليها ويقلي هاي كانت يابا فترة الي بشتهي ترجع .. وينها بالله ؟؟)
روح على العباسيي من ابو العباس(السفاح) مرورا بببغداد و لغاية المعتصم (الي رفض اتفاقية السلام مع المغول وروح فيها بغداد الي كانت يعني المفروض متل ما بيقولو منارة العلم والعلماء .. ودمرها بحنكتو !!)..
مر بعدها يمين وشمال .. بالمماليك والأيوبيين والمرابطين والعلويين .. وين بدك .. للعثمانيين سيدي .. لاء لليوم
للسعودية ولإيران ولليمن ولموريتانيا ....... وين بدك مر .. وركز ,, واتزكر منيح وفكر بعدها وين كان الفترة الي بتشتهيها ترجع او تكرر نفسها على لاأقل .. وبعدها (يعني بعد ما تلاقي انو مافي ولا فترة بتنفع) فرك من بد وجديد وبحبش وخبرني برأيك شو السبب ؟؟؟
شو السبب انو يعني لهلق ما كانت تظبط !!
ما بدنا انطول عليكم السيرة ..__مع انو طولنا ..__ بس فعلا حاولت فكر بصوت عالي واستعرض التاريخ الإسلامي من فجره لنحره ,, وهذا الي طلع معي ..
والله ولي التوفيق
العين الي قاومت المخرز امبارح .. وبعدها عم بتقاومو لليوم .. بكرا بدها تقلعو !