[ritka]

كاتب النص الأصلي : سوا ربينا

دخلك شو الطريقة المقنعة يلي حابة يجيكي فيها ؟؟

بتصور اني وضحت بردي نفسو.. انو شغلة البروفيسور قال هع مسلم ااخر .. كان ناقص يكتب و ابتسم البروفيسور ابتسامة شرشبيل .. الخ و كام شغلة تانية وضحتها .. هاي ردي بحذافيرو :

دقيقة دقيقة..
كيف يعني انو اول ما وقف الطالب قال : هع مسلم اخر !!
شو مكتوب ع جبينو مسلم ؟ .. غير هيك , واحد متل هاد البروفيسور و بدو يوصل فكرة متل هاي.. ما بتخيل رح يفرق بين مسلم و مسيحي و يهودي.. لانو بهيك حالة بدو يوصل لـ فكرة انو ما في الله .. او انو الله مش منيح !!
فـ يعني ما رح تفرق معو شو دينك.. رح تفرق معو حقيقة بتآمن بـ الله ولا لا ..

بعدين انو ما فهمت.. العقل مكتشفو العلم و هيك يعني فيك تشفو بـ بعض الطرق
ما فهمت كيف اجا هاد الرد .. عـ اللي قالو البروفيسور بخصوص الرب.. انا هون ما عم دافع عن البروفيسور ولا عن فكرتو .. و ما رح قلك ان كنت بآمن بالرب ولا لا .. لانو هالشي بيعنيني و حدي..

فـ انو يا ابو الميث.. القصة ما كتير ركبت معي يعني .. و حسيت بشغلة التسويق اللي حكو عنها باقي الشبيبة.. هالشي بينقص من قيمة اي شي بتحكي عنو.. (انا بعني هون "باي شي": فكر , دين .. الخ) مش علبة مكياج يعني و لا بكيت شبس .

_______________________
مشان جيمي.. الشب حب يوصل فكرة بعيدة تماما عن المسخرة .. ولو طريقتو كانت فكاهية ازا صح التعبير فـ ما بعرف ليش الكل وقف ضدو فرد مرة .. هي وردة لـ جيمي .