اقتباس:
كاتب النص الأصلي : Nay
فيك تقلي انو كل الحضارات اللي انهارت كانت طوباوية!!.. هادا حكم سطحي كتير..
في كتب كتيرة انعملت لمعرفة سبب انهيار الاتحاد السوفييتي..
وما فيك تقول انو الليبرالية الغربية عم تمشي مع الغريزة الرأسمالية لانو ما عاد في شي اسمو راسمالية بالمعنى التقليدي اللي كنا ندرسو بالمدرسة..
مبدأ الضرايب المتزايدة او المحسوبة على نظام الشرائح بيدعم مسألة المساواة اللي نادت فيها الشيوعية وهادا الشي ما صار بأوروبا الا بسبب الضغوط الكبيرة من الاحزاب اليسارية بالمنطقة.. و الرعاية الاجتماعية والصحية وضمان الاحتياجات الاساسية للناس بأشكال متعددة كمان ما صار الا بسبب ضغوط هي الاحزاب..
وهيك فينا نقول انو الاحزاب الشيوعية بأوروبا عملت شي مهم كتير.. "متل ما حكيت بموضوع سابق"..
ومرة تانية بعتبر انك بتكون ظالم كتير لما بتقول انو الشيوعية مجرد شعار..
|
عزيزتي ناي اولا بحب اوضحلك انو انا ما عندي شي ضد الشيوعية ولا بكرها و ما في عداوة بيناتها حتى اني كنت بفترة من فتزات عمري شيوعي و ما كنت خلي مؤلفة عليها صورة لينين و ما اجيبها..
انا ما قلت انو الليبيرالية الغربية ماشية مع الغريزة الرأسمالية حتى أني ما جبت سيرتها لليبرالية الغربية و انا معك بهالنقطة
الشيوعية حركة جميلة اهدافها نبيلة و لكنها طوباوية بشكل او بأخر و ما حدا فينا في ينكر الدور الشيوعي بالثقافات العالمية و الإرث الحضاري
للأنسانية بشكل عام
فما حدا فينا في ينسى التشي جيفارا و لا لينين او ستالين او فيديل كاسترو
او انجازات الأحزاب الشيوعية العالمية و تضحياتها اللي اذا ضلينا شهور ما رح فينا نوفيها حقها بالحديث
و للحديث تتمة...