محتاج تفسير لهالشي !
السلام عليكم
الله يصبحكم بالخير
أنا عضو جديد بهالأخوية، عثرت عليه بالصدفة بينما أبحث عن أغنية (مرة بديار اسطنبول في شاب كتير معتر)
طليت على الأخوية طلة سريعة، فأعجبتني، وحبيت يكون لي الشرف في عضويتها
وبصراحة رغم إني من (فلسطين) يعني (شامي) إلا إني يدور دائماً تساؤل في ذهني
ليش الشوام بيكون إلهم نكهة خاصة ؟
فلسطين والأردن ولبنان وسوريا .. كلهم مع بعض شام
وفي كل بلد منهم للشام طعم ومذاق خاص ..
ففي أزقة القدس وجبال عمان وشوارع بيروت وحواري دمشق ألف ألف رائحة للتاريخ
يمكن عشان النبي عليه الصلاة والسلام دعا للشام بالبركة ؟
يمكن عشانهم أهل مرجلة وجدعان (قبضايات) ؟
يمكن عشان البعد التاريخي للشام ؟
يا ترى حدا عنده سبب واضح لهالشي ؟
وحياكم الله
أخوكم / محب الأمل
|