أنا بصراحة عندي نقاط كتيرة حول هالموضوع
كل المخرجين يلي انذكروا سابقا الهم بصمة واضحة بالدراما السورية
بالأخص يوسف رزق
وبالذات باسل الخطيب ونجدت انزو
يلي اعمالهم كانت الانطلاقة للوطن العربي اهم المسلسلات الجوارح , ايام الغضب, اخوة التراب..الخ
لكن كل مخرج له طريقة عرض وتصوير واهم من هاد كله طريقة لعرض القصة وحبكها
انا بفضل مخرجين هنن حاتم علي والليث حجو
وحابة ضيف شغلة عن المخرج المتميز الليث حجو أنو هو بيتمتع بشخصية كتير حلوة ولطيفة
ونفسيته وروحه حلوة وطريقة معاملته مع المعجبين وأي شخص كان كتير أخلاقيه
أنا التقيت فيه اكتر من مرة
وهو فعلا من المخرجين المتميزين
بس كأخراج بروفيشنال ولامع وكطريقة واقعية ملموسة ومحسوسة
وكأخراج بخليك تحس أنك كمان بطل من ابطال هي القصة وروح عايشة داخل قصة المسلسل
ومع الأبطال
هو حاتم علي صحيح هو تلميذ هيثم حقي لكن صدق المثل
علمناهم الشحاده سبقونا على البواب
((مثل سوقي))
وأكيد صوتي بيروح إله.
