صار دوري احكيلكم لكن
عنا بيت بالريف وهالبيت بحرستا تحديدا البابا آخده حتى نغير جو فيه من بيت الشام المهم.........
المميز بهالبيت انه مهما كنت وحيد مابتحس حالك انه لحالك لانه الاصوات والحركه والحكي من كل مكان عم تسمعها فماما كانت تقلي مابخليك بهداك البيت لحالك لتجن بعدين انا من النوع العنيد ومابعمل الا يلي براسي
سهران عم اتفرج ع التلفزيون واخي كان عندي بس نايم وفجأه هالتلفزيون طفى لحالوا وبحكم كونه انه التلفزيون من النوع القديم وماله ريموت ئمت وشغلته مره تانيه ولسه مارجعت ع الكنبايه كان مطفي مره تانيه
فحكيت بصوت مسموع بلشوا سئاله الشباب وقعدت ع الكنبايه وفتحت كتاب عم أقرأ فيه وشغلت المسجله ئدامي بس فزيت ونطيت متل المكهرب لما أجت المخده بوشي ومافي غيري بالغرفه هون بلشت بالمعوزات وقمت نمت وفعلأ ماعاد ضليت بالبيت لحالي
بس بعد فتره كان البابا بدو يعمر طابئ أضافي واجت لجنه لحتى تفحص البناء ازا بيتحمل فحفروا حفره بالأبو ليطلع معهم عظام بشريه فقالوا لبابا انه هالأرض يلي عليها البيت أساسها كان مقبره
وهي قصه حقيقيه وصارت معي
|