[i_miss_syria]

طيب رح احكيلك وحدة,والله العظيم, صارت معي.

هاد يا سيدي لما كنا زغار, كنا ساكنين ببيت جدي بالطابق الرابع في احد المباني في واحدة من مدن سوريا. وبيومها اجانا ضيف من عامودا , والضيف نام عنا.
وبنص الليل بدا ضرب الحجر على بيت جدي واتكسرت الشبابيك واغراض البيت ونحنا ارتعبنا عالآخر , تطلعنا من الشباك وما شفنا حدا علما انا ساكنين بآخر دور وصعب كتير تضرب حجركبير على الدور الرابع, بعد شي 10 دقايق من الرعب اسمعنا خبطة قوية عالدرج كانو شي وقع من باب السطح.
فتحنا الباب واذا الأخ الضيف ملفوف بعبائة نسائية وعم يتنافض
طلع الأخ كان عم يزبط سحر عالأسطوح وخربط ولا زعل الجن ونزلوا في ضرب وكسروا البيت اللي كان نازل فيه.

ولغاية اليوم كل ما بتذكر الحادث يوقف كل شعر راسي. والله.