[بنفسجة]

كاتب النص الأصلي : marochka

هالحكي كتير مظبوط بس المشكلة الوحيدة أنو بس ندعم حكينا بكلام شي سياسي أو فيلسوف أو غيرو اللي قدامنا في يقلنا هالحكي غلط أو مو منطقي أو أي شي وما فينا نقلو شي هو حر برأيه، بس لما حدا يستشهد بآية دينية إذا إجا شي ملحد أو حتى مؤمن مانو مقتنع بالحكي اللي بهل الآية فبتقوم الدنيا وما بتقعد إذا قال هالحكي غلط أو مو منطقي وبتبلش الردود من نوع أنت عم تتهجم عالدين واستغفر ربك وما بعرف شو، مشان هيك من الأفضل أنو ما نستشهد بآيات دينية لأنها مو قابلة للنقاش بالنسبة للمؤمن فيها ونحنا عم نتناقش فعم نطالب بشي منقدر نناقش فيه

انت يلي عليك تعملو انو تبرهن عدم صحة الدليل الديني بالمنطق يلي بتمتلكو او بالحجة يلي بتشوفا مناسبة
وهالشخص الاخر اذا فات وقلك استغفر ربك ومن هي القصص فيك انت ماترد عليه لانو هيك طلع عن اسلوب الحوار المنطقي العقلاني اما اذا رد عليك بفكرة هو شايفها صح فكتير منيح انك تكفي معو النقاش للاخر
مافينا نطلب من متدين ما يستشهد بايات دينية
بس فينا نوقف النقاش بمجرد حسينا انو بطل نقاش وهيك احسن بكتير من انو نفرض على اي شخص ما يستشهد بشي هو مقتنع فيه