اقتباس:
كاتب النص الأصلي : بنفسجة
متل ما بيحقلك تدعم حكيك بكلام لسياسي مشهور او فيلسوف زمان قديم او اله من اله الحب
من حق اي شخص يدعم حكيو باية قرانية او شي من الانجيل او من التوراة او من وين ما كان
اكيد هالشخص لو ما شايف انو هالحكي صحيح ومتاكد منو ما بيحكيه او بيستشهد فيه
وهي مسالة قناعات شخصية وما حدا عم يحول المنتدى لا لمنتدى ديني ولا حتى لمنتدى (ملحد)
هيدي ميزة المنتدى انو قادر يستوعب الكل والكل بيفكر انو قادر يطبع المنتدى بطباعو
بس المنتدى متنوع بتنوع الفكر والعقلية
وهاد شي كتير حلو ورائع
فليش نحنا بدنا نحلل لحالنا نحكي بالعلمانية واللادينية ونحرم على الاخر يحكي بالدين يلي هوو مقتنع فيه
شو رايكون نبطل نجرح ببعض كمتدينين من كل الاديان وكغير مقتنعين باي دين اخر
خلونا نقتنع ببعض كاناس النا الحق بالمعتقد والفكر والراي هيك كتير بيكون احسن من انو نتهم بعض ونقول هالحكي صحيح او مش صحيح  |
هالحكي كتير مظبوط بس المشكلة الوحيدة أنو بس ندعم حكينا بكلام شي سياسي أو فيلسوف أو غيرو اللي قدامنا في يقلنا هالحكي غلط أو مو منطقي أو أي شي وما فينا نقلو شي هو حر برأيه، بس لما حدا يستشهد بآية دينية إذا إجا شي ملحد أو حتى مؤمن مانو مقتنع بالحكي اللي بهل الآية فبتقوم الدنيا وما بتقعد إذا قال هالحكي غلط أو مو منطقي وبتبلش الردود من نوع أنت عم تتهجم عالدين واستغفر ربك وما بعرف شو، مشان هيك من الأفضل أنو ما نستشهد بآيات دينية لأنها مو قابلة للنقاش بالنسبة للمؤمن فيها ونحنا عم نتناقش فعم نطالب بشي منقدر نناقش فيه
إبحث أنت عن المعرفة فالمعرفة لا تبحث عن أحد
Whether humanity will consciously follow the law of love, I do not know. But
that need not disturb me. The law will work just as the law of gravitation
works, whether we accept it or not
Ghandi
|