هلأ اكيد الشامية .. هيي اكتر لهجة بحبها 
بس في عندك اللهجة الكويتية ... انو يعني بحسها ازبط اللهجات الخليجية فلزالك ما بتدايق وقت اسمعها 
وبحب اسمع اللهجة اللبنانية تبع الضيع .. ضيع الجنوب يعني ... متل لهجة نبيه بري ... قصدي .. "معليش يا خيي فيهاش اشي ! " 
على سيرة هيي اللهجة .. كمان بحب اللهجة الفلسطينية ... يلي متل تبع مسلسل التغريبة الفلسطينية حصراً ... شنو اللهجة يلي بيحكوها الفلسطينية يلي عندي بالحارة ما حبيتها خيّا ... كاعدين يتخوتوا عليي 
اللهجة المصرية : بحبها فقط بالعامي .... يعني بكره وقت اسمع مصري عم يحكي فصحى .. يا زلمي مو زابطة ما بعرف كيف بتطلع معو .. ما حلوة بنوب .. فيك تشوف افلام كرتون تبع ميغا مان او اللجاسوسات وشوف كيف بتقرف حياتك ...
ونفس الشي بينطبق عالانكليزي .... آي دونتي نو !
الجزاتئرية والتونسية بحبها فقط عالسمنع .. كوني بكل الاحوال ما رح افهم عليهن .. بس سماعياً حلوة 
اللهجة الحلبية والحمصية تعودت عليهن بس ما بحبهن
الكلُّ سفّاح و ابنُ سفّـاح
.
القومُ أبناء القومِ يا صــاح
.
عندهم الدّينُ زهقُ أرواح
.
والذّبحُ للنّاس نهجُ إصْلاح
|