اقتباس:
كاتب النص الأصلي : اممي
عفكرة انا ضد طرحك تماما
ان بعتقد 15 سنة سن كتير طبيعي منشان ياخد مسولية شوي يعني كأن الواحد نازم يضل دلوع امو ليفوت الجامعة
وفي اختراع تاني
هلق الالمان ...في احسن من الالمان
الالمان بعد الصف الرابع بيجي الاستاذ بينقي الطلاب الي بيستحقو حسب نظرتو الشخصية من راح يفوت عام ومين راح يفوت صناعي ومين ماراح يفوت شي
عفكرة بالمقارنة بين نظامنا الدراسي والنظام الالماني فنضامنا بيحنن
عند الالمان في عندن اختراع اسمو هاوبت شوله (يعني مدرسة اساسيه)هاي عشر صفوف كل همها ان تولد حمار مابيفهم ولا فيه يكفر بين قوسين بتنتج عاهات كل قدرتهن بهالحياة ان بيسكرو بينيك... وبيشتغلو كعمال درجة تانيه
وهاي بتشكل نسبة توصل ل40 % من المدارس هون
القسم التاني من المدارس هوه الريال شولة (المدارس الجقيقية) ان بيدرسو الطالب فيها شويه انكليزي وشويه علوم بس مناهجها ماهاد الي بتسمع عنو وبتولد اخر شي حرفيين فيهن يفوتو لجامعات مهنيه
اللعبة الحقيرة عندن ان الي صفا من هالشبيبة والي مابيتعدو اكثر من 30 ل25 بالمية هنن الي بيشتغلو عليهن
يعني منهاج متطور اساتذه فضيعين امكانيات جبارة باعتبار ان هدول الي راح يفوتو جامعة وتطور البلد عليهن
بس لو بترجع للحقيقة ان مستقبل هالانسان بيتحدد بعمر 10 سنين فليش عم تعتب علي نظامنا ؟
|
مظبوط بس كمان مصائب قوم عند قوم فوائد, هالنقص الكبير اللي عندن بعدد الناس اللي عم تدرس جامعة خلاهن يفتحوا الطريق قدام اللي متلنا ليدخلوا على الخط ويعوضوا هالنقص .
منرجع لقصة التاسع , انا بشوف انو يلغوا التاسع هيك دفعة وحدة معناها فوضى بالتعليم اكتر من الفوضى الحالية, يعني رح يوصلوا على البكلوريا ناس يمكن ما بيعرفوا يقرو ويكتبو منيح, بالاضافة انو شي منيح برايي تفصل بين الطلاب على حسب تحصيل كل واحد منن, بس الغلط عنا متل ما شرحوا الشباب انو كلو بدو طب وهندسة وبيتمسخرلك على بقية التخصصات وبيعتبرها مضيعة وقت.
بس الشي اللي صرلو من زمن جدي وبدو بقى تعديل هو اسلوب الامتحان سواء تبع البكلوريا او التاسع, يا اخي والله بتذكر كان معي ناس اذكيا بالفعل اذكيا , بالرياضيات بالفيزياء بس انك تجي تقلو تعى انحبس بالبيت شهرين قبل الفحص و لازم تدرس كل يوم شي 12 ساعة لتجيب مجموع اي بتجي الجلطة.
كمان انو هيك اسلوب بيلغي تماما قصة الذكاء لانو بالنهاية الاسلوب الوحيد الناجح لتحصيل معدل هو البصم ثم البصم واللي عم يطالع اجيال من الاميين اللي بيحملوا شهادات جامعية.
يعني يعملوا نسبة معينة لفحص اخر السنة, 50 او 60 بالمية والباقي على نشاطات كل طالب اثناء السنة.